Sumaj yuyaychaykunata tariwaj
“Diosmanta tukuy Qhelqasqaqa, paypa yuyaychasqan kashan” (2 Timoteo 3:16). Paypa yuyaychasqan nispaqa Tukuy Atiyniyoj Dios, Bibliata qhelqaj runaspa yuyayninkuman paypa yuyasqanta churasqanta niyta munan.
Diosqa munan Palabranwan yanapachikunaykita
Noqa Jehová “yachachiyki imachus qampaj allin kasqanta. Noqa may ñantachus purinaykita rikuchiyki. Kamachisusqaytachus kasuwankiman karqa chayqa, allin kawsayniykeqa mayu jina kanman karqa, cheqan kayniykitaj mama qochaj yaku oqharikusqasnin jina kanman karqa” (ISAÍAS 48:17, 18).
Diosqa yanapayta munasunki. Payqa sonqo tiyasqa, wiñaypaj kusisqa kanaykitataj munan. Ajinata kausakunaykipajqa pay yanapasunkiman.
Diospa Palabranmanta qanpis yachakuwaj
‘Sumaj willaykuna tukuy laya runasman willakunan tiyan’ (MARCOS 13:10).
Jehová Dios tumpamantawan ñakʼariyta chinkachenqa, kay jallpʼata uj paraisoman tukuchenqa, wañusqa familiaresninchejta amigosninchejta ima kausarichenqa. Chaytaj ‘sumaj willaykuna’ kashan. Jehovaj testigosnenqa Diospa Palabranmanta mundontinpi willashanku.