Dios aswan munasqa masiyki kanman

Diospa masin kayqa may allin qampaq kanman. Dios yachachisunqa imaynatachus kusiyta, jarkʼayta ima tariwaq, chantapis pantasqa yuyaykunamanta, usuchiykunamantapis Dios kacharichisunqa. Ima mañakusqaykitapis Diosqa uyarisunqa. Sunqu tiyaykuyta, atiykukuyta ima qusunqa (Salmo 71:5; 73:28). Diosqa mana atinapaqjina llakiykunapi kaptiyki yanapasunqa (Salmo 18:18). Chantapis, Diosqa wiñay kawsayta quyta munasunki (Romanos 6:23).

Diosman qayllaykuptinchik, Diospa masinkunaman qayllaykunchik. Diospa masinkuna qampa masiykikuna kayta atinku. Chiqamantapuni, yawar masiykikunajina kanqanku. Diosmanta yachakusqaykimanta paykuna kusikunqanku, yanapasunqanku, sunquchasunqanku ima.

Mana Dios jinachu kanchik. Diospa masichakuyninta maskʼaspa, may sumaqta umallirikunayki tiyan: Dioswan masichakuyqa mana mitʼanchikwan jinachu. Payqa, ñuqanchikmanta may achkha watayuq, may achkha yachayniyuq, may achkha atiyniyuq ima. Paylla kamachiqninchik kayta atinman. Chayrayku, paypa masin kayta munaspaqa, uyarinanchik, ruwanachik tiyan mañasqanta. Diosta kasukuyqa allinninchikpaqpuni kanqa (Isaias 48:18).