Diospa masinkuna Paraisopi kawsakunqanku

Paraisoqa mana kunan pachajinachu kanqa. Diosqa mana jaykʼaq kay pachapi chʼampaykuna, nanay, ñakʼariy ima juntʼa kananta munarqachu. Jamuq pachapi, Diosqa Jallpʼata paraisoman tukuchinqa. ¿Imaynataq chay paraíso kanqari? Bibliap nisqanta qhawarina:

Kʼacha runakuna. Paraisoqa Diospa masinkunapta wasin kanqa. Paykuna puraqmanta allinta yanapakunqanku. Jehovap chiqan ñanninmanjina kawsakunqanku (Proverbios 2:21).

May achkha mikhuna. Paraisopi mana pipis yarqhachikunqachu. Bibliqa nin: “Ashkha trigo [utaq mikhuna] kachun” nispa (Salmo 72:16).

Sumaq wasikuna, allin llamkʼanapis kanqa. Tʼikapacha Jallpʼapiqa, tukuy ayllupta wasin kanqa. Tukuypata llamkʼaynin kanqa kusisqa kakunankupaq (Isaías 65:21-23).

Tukuy Jallpʼapi sunqu tiyay. Runa mana jaykʼaq maqanakunqachu, manataq maqanakuykunapi wañunqachu. Diosqa “chʼajwasta chʼinyachin” nin Diospa Rimaynin (Salmo 46:8, 9).

Unquykuna mana kanqañachu. Bibliaqa simita qun: “Mana pipis [Paraisopi] nenqachu: Onqosqa kani, nispaqa” (Isaías 33:24). Mana suchukuna, juqʼarakuna, upakuna, manataq ñawsakunapis kanqañachu (Isaías 35:5,6).

Phutiy, nanay, wañuypis mana kanqañachu. “Manañataj wañuy kanqachu, nitaj waqaypis, nitaj qhapariypis, nitaj nanaypis, imaraykuchus ñawpaj kaj imasqa manaña kanqachu”, nin Diospa Rimayninqa (Apocalipsis 21:4).

Mana saqra runa kanqañachu. Jehová simita qun “Juchasapasrí kay pachamanta wijchʼusqa kanqanku; ruwanankuta mana ruwajkunaqa kay pachamanta tʼirasqa kanqanku” nispa (Proverbios 2:22).

Runaqa puraqmanta munanakunqa jatunpaqtaq qhawanakunqanku. Mana wistʼuyay, matʼiyay, michʼayay manataq chiqniypis kanqañachu. Runaqa juk yuyaylla kanqa, Diospa chiqan ñannimanjina kawsakunqanku (Isaías 26:9).