[3 paginapi sutʼinchaynin]

Ñawiriy: Kay Reinomanta willayninchikpi agosto, septiembre killaspaq Willamunapaq Tantakuypaq (Reunión de Servicio nisqapaq) wakichisqaña lluqsinqa. Chaywanpis, jatun tantakuy ¡Jesuspa qhipanta purina! ruwakusqanrayku, kayta ruwakunan tiyan. Jatun tantakuypaq semanallaña kachkaptin, Willamunapaq Tantakuypi, 15 minutospi watiqmanta ñawirikunan tiyan kay patapi: “Jatun tantakuypaq yuyariykuna” nisqata. Kaymanta mayqinchus llaqtaykipaqjina kaqta sutʼinchana tiyan. Jatun tantakuymanta juk killa chayri iskay killanman, Willamunapaq Tantakuypi, 15 minutospi (ichapis kay, ‘qutuchakuypi imapi llamkʼananchik tiyan’, chaypi) jatun tantakuymanta allin yuyaychaykunata yuyarichina tiyan.

[3 paginapi recuadro]

Kimsa pʼunchayniyuq jatun tantakuypaq yuyariykuna

◼ Tantakuyta qallarinapaq. Kay wakichiyqa kimsantin pʼunchay 9.20 qallarinqa, punkuqa pusaq horamantapacha kichakunqa. Reinomanta takiykunata uyariytawan, tantakuyninchik jatunpaq qhawasqa kananpaq, tukuypis tiyakamunanchik tiyan. Viernes pʼunchaypi, sábado pʼunchaypipis tantakuyqa 5.05 tukukunqa, domingo pʼunchaypitaq 4.10 tukukunqa.

◼ Mana qhasipaq tiyanasta japʼinachu. Qamwan jamuqkunallapaq, chayri wasiykipi kaqkunallapaq tiyanata japʼiyta atinki.

◼ Mikhuna. Khuskan pʼunchaypi mikhunata rantiq lluqsinaykimantaqa, mikhunata apakuy, imallapipis apakuspataq tiyanap uranman churawaq. Mana mikhunata jatuchaq mankaspi apanachu, nitaq alcoholniyuq ima ukyaykunatapis apanachu.

◼ Munasqanchikmanjina qullqita churana. Kay jatun tantakuy allinta ruwakunanpaq, chantapis runaman astawan willamunapaq ima, Tantakuy Wasipi, jatun tantakuypipis, tukuy sunquwan qullqita atisqanchikmanjina churasunman.

◼ Imanarpakuptinchik. Kaymanqa mana qhasillapaq rinachu tiyan. Pillapis jatun tantakuypi unquykuptin, chayri urmaptin yanapaqman willachun, paytaq “Departamento de primeros auxilios” nisqaman willanqa, yanapanankupaq.

◼ Mana allinta uyariqkunapaq. Tukuy umallirichiykunaqa radiopi FM, nisqapi uyarikunqa, chayrayku allinta uyarinankupaq ichapis juchʼuy radituta apakunkuman.

◼ Grabadoras. Jatun tantakuyman, grabadorata apaptinchikqa mana corrienteman churanachu, umallirichiykunata tukuy allinta uyarinankupaq mana grabadorata sinchita chʼaqwachinachu.

◼ Sírvase visitar formularios nisqata. Jatun tantakuypi Diosmanta astawan yachakuyta munaq runawan parlaptinchikqa kay formulario S-43 nisqaman sutinta, maypi wasin kasqanta ima, qillqayta atisunman. Tukuy Jehovamanta sutʼinchaqkuna jukta chayri iskay formulariosta jatun tantakuyman apananku tiyan. Kay formulariotaqa Departamento de Publicaciones de la asamblea, nisqamanta urqhuyta atinkuman. Chay formulario nisqata juntʼachiytawantaq chay departamento nisqaman jaywananku tiyan, chayri qutuchakuypi, kuraqkunamanta secretarioman jaywankuman (Reinomanta willayninchik 2005 watamanta febrero killamanta suqta paginata qhawariy).

◼ Restaurantespi. Wakin llaqtakunapiqa, restaurantespi mikhuyta jaywaqman qullqita saqiyta yachanku.