Jatun tantakuypi Diosmanta kusikuywan yachakuna

1. ¿Imaynatá Jehová kamachisninta kallpachan?

¹ Jehovaqa, kamachisninman munakuywan yachachin. Chayrayku, mikhunawanjina sumaqta yachachiyninwan kallpachawanchik, wak runastaqrí yarqhaymanta wañuchkanku (Isa. 65:13). Jehovaqa, yachachiyninwan sapa wata jatun tantakuypi kallpachallawanchiktaq. Chayrayku, kay watapaq jatun tantakuyninchik, “Diospa Espiritunwan Pusachikuy” nispa, sutichakunqa, ¿wakichikuchkankichu chay tantakuypi kimsantin pʼunchayta kanaykipaq? Chaypiqa, ¡sumaqta Diosmanta yachakusunchik!

2. Jatun tantakuypi kanapaq, ¿imaspaqtaq wakichikuna tiyan?

² Ñawpaqmanta wakichikuna. “Imatapis ruwanampaj kʼuchi runaj wakichisqanqa allimpuni llojsin.” (Pro. 21:5.) Chayrayku jatun tantakuypi kimsantin pʼunchayta kanapaqqa, patronninchikwan chay pʼunchaykuna mana llamkʼaq rinapaq usqhayllata parlarina tiyan. Chay tantakuyman rispa, ¿yachankiñachu maypichus alojakunaykita? Ñawpaqmanta wakichikuna jatun tantakuymanta khuskan pʼunchaypi, mana jawaman mikhuq lluqsinanchikpaq. Chantapis, kimsantin pʼunchayta, maychus tiempopi chayanapaq wakichikuna, jinamanta maypichus tiyakunanchikta yachasunchik, chantapis hermanosninchikwan khuska takirisunchik, Diosmanta mañakuypi ima, kasunchik.

3. ¿Imaynatá pʼachallikusun jatun tantakuyman rinapaq?

³ Jatun tantakuyman rinapaqqa, allin yuyaywan, maychus kaqta, pʼachallikunanchik tiyan (1 Tim. 2:9, 10). Imaptinchus Diosta jatunchanapaqjina pʼachallikuptinchikqa, paypa llaqtanpi kasqanchikta rikuchisun. Maypichus tantakuyninchik ruwakun chaypiqa, maychus kaqta pʼachallikuptinchik, tarjeta de solapata tʼipakuptinchik ima, jukjina kasqanchikta rikuchisun, tantakuyninchiktataq, jatunchasun.

4. Sapa juk, chayri familiajina, umallirichiyta allinta uyarinapaq, ¿imatá ruwana tiyan?

⁴ Allinta uyarina. Chay tantakuypi yachachiykunataqa, ¿tukuynintacharí uyariyta munanchik? (Pro. 22:17, 18.) Chayrayku yachachikusqanta allinta uyarisun, Bibliamanta ñawirikusqanta maskʼarispa, cuadernonchikpi qillqarispa ima, mana wak imaspi tʼukuchkanapaq. Chʼisisninpitaq chay qillqarisqanchikmanta, wakkunawan parlarisunman. Chantapis pasaq tantakuykunapi wakin waynuchusqa, waynuchupura tiyakuspa umallirichikuchkaptin parlachkaqta, chayri celularninkupi mensajes nisqata apachichkaqta ima, rikukun. Chayrayku tatas, familiaykichikwan khuska tiyakuychik, amataq saqiychikchu wawasniykichik waynuchu masisninkuwan wakpi tiyakunankuta.

5. ¿Imaynamantá chay tantakuyninchikpi astawan kusikusunman?

⁵ Hermanosninchikwan parlarispa kusikuna. Amigosninchikwan khuska mikhuyqa, aswan sumaq (Pro. 15:17). Hermanosninchikwan jatun tantakuypi parlarispaqa, astawan kusikusun. Chayrayku umallirichiykuna tukukusqantawan, allin kanman ñuqanchik hermanosta parlaparinanchik astawan riqsinakunanchikpaq (Sal. 133:1). Chaywanpis, tantakuymanta kamachiq tiyakunanchikta niwaptinchik, hermanoswan parlarichkaspapis, chay ratu tiyarikuq rina, umallirichiykuna qallarinanta suyakuspa.

6. Imaynatachus jatun tantakuypi runaman willarisqaykimanta parlariy

⁶ Willanapaq wakichisqas. Jatun tantakuypiqa, Diosmanta runasman willanapaq yanapawanchik. Wakin hermanosqa, tantakuy tukukusqantawan restaurantesman mikhuq rinku, chaypitaq mikhunata mesaman apamuqkunaqa, imaraykutaq chay tarjeta de solapa nisqata tʼipakusqankuta tapunku. Chay tapuyninman kutichispataq, chiqa yachachiymanta willanku. Chay runasmanta wakintaq, tantakuyninchikman jamunku.

7. ¿Imarayku kay jamuq, jatun tantakuyman rinanchik tiyan?

⁷ Jatun tantakuy ruwakunanpaq, umallirichiykuna, tantakuy wasipi tukuy ima kananpaq llamkʼakusqan ima, achkha tiempowan wakichikun. Kay jatun tantakuypi Diosmanta yachakunapaq wakichikusqanqa, Jehová llaqtanta munakusqanta rikuchiwanchik. Chayrayku, ¡tukuyninchik chay tantakuyman rispa, Diosmanta sumaqta yachakamuna kachun! Chay tantakuyninchikpiqa, kusiywan ‘tukuy sunqu sumaqta takisuchik’, kay pachamanta runastaqrí llakiyllapipuni kachkanqanku (Isa. 65:14).

[4 paginapi recuadro]

Jatun tantakuypaq yuyarichiykuna

◼ Wakichisqa. Kay wakichiyqa kimsantin pʼunchayta 9.20 qallarinqa, chay tantakuy wasiqa, pusaq horamantapacha kichasqa kanqa. Reinomanta takinata uyariytawan, tantakuyninchik jatunpaq qhawasqa kananpaq tukuypis tiyanasninchikpi tiyarikuq risunman. Viernes pʼunchaypi, sábado pʼunchaypipis tantakuyqa, 4.55 tukukunqa, domingo pʼunchaytaq 4.00 tukukunqa.

◼ Tiyanapaq. Qamwan jamuqkunallapaq, chayri wasiykipi kaqkunallapaq tiyanata japʼiyta atiwaq.

◼ Mikhuna. Khuskan pʼunchayta mikhunata rantiq lluqsinaykimantaqa, allin kaman apakunanchik. Chaywanpis mana jatuchaq mankaspichu apana kanman, ajinamanta tiyananchik uraman churanapaq, nillataq alcoholniyup ukyanasta apanachu.

◼ Munasqanchikmanjina qullqita churana. Kay jatun tantakuy allinta ruwakunanpaq, chantapis runaman astawan willamunapaq ima, Tantakunapaq Wasipi, jatun tantakuypipis, tukuy sunquwan qullqita munasqanchikmanjina churayta atisunman.

◼ Imanarpakuptinchik. Kaymanqa mana imallapaqpis rinachu tiyan. Pillapis jatun tantakuypi unquykuptin, chayri urmakuptin yanapaqman willachun, paytaq “Departamento de primeros auxilios” nisqaman willanqa imapipis yanapanankupaq.

◼ Mana allinta uyariqkunapaq. Tukuy umallirichiykunaqa radiopi (FM) lluqsinqa, chayrayku mana allinta uyariqkuna ichapis juchʼuy radionkuta audifonosniyuqta apakunkuman, chaypi uyarinankupaq.

◼ Wawata apaykachanapaq coches, sillas ima. Chay tantakuymanqa, mana kay wawasta apaykachanapaq cochesta, nillataq kay sillas plegables nisqata apanachu, chaywanpis wawaspaq sillitata apayta atinku.

◼ Yanapaqkuna. Anciasnosta, siervos ministerialesta, chantá pikunachus yanapakuypi llamkʼaqña kanku paykunata ima, waqyarikun, kay departamento de acomodadores nisqaman chimparinankuta, jinamanta chay tantakuypi hermanosta yanaparinankupaq. Jehová Diosninchikqa may allinpaq chay ruwaykunata qhawan.

◼ Formulario Sírvase visitar nisqata. Jatun tantakuyman risqanchikpi willarisqanchimanta, juk runa astawan Diosmanta yachakuyta munaptin, kay formulario Sírvase visitar (S-43) nisqapi, qillqay. Chantapis tukuy Jehovamanta sutʼinchaqkuna jatun tantakuyman formulariosta, apakunanchik tiyan. Kay formulariotaqa Departamento de Publicaciones de la asamblea, nisqaman, chayri qutuchakuyninchikpi secretarioman jaywasuman (kay Nuestro Ministerio del Reino, 2005, febrero killamanta 6 paginanta qhawariy).

◼ Yanapaqkuna. Ancianosta, siervos ministerialesta, chantá pikunachus yanapakuypi llamkʼaqña kanku paykunata ima, waqyarikun, kay departamento de acomodadores nisqaman chimparinankuta, jinamanta chay tantakuypi hermanosta yanaparinankupaq. Jehová Diosninchikqa may allinpaq chay ruwaykunata qhawan.

◼ Tantakuykuna. Jatun tantakuypaq wakichikusqanpiqa, Diosmanta Parlayta Yachanapaq, Willayta Yachanapaq tantakuy, nillataq Libromanta yachaqanapaq tantakuy ima, churakunchu. Chayrayku jatun tantakuy semanapiqa, Libromanta yachaqanapaq tantakuy imaynatachus sapa semana ruwakun, jinata ruwakunallan tiyan. Chay semanapaq libromanta wakichisqa kaqtaqa, mana aswan ñawpaqta, nitaq aswan qhipapaq suchuchikunqachu. Chayrayku yuyarichiyta munayku, jatun tantakuyninchik semanapiqa, libromanta yachaqanapaq, maypichus ruwakun chaypi ruwakunanta. Tukuy juchʼuy qutuchakuykuna mana jukllapi jukchaykukunanchu tiyan, libromanta yachakunankupaq, imaraykuchus jukllapi tantakuyqa mana hermanosta yanapanchu, nitaq maychus kaqmanjinachu chay ruwayqa.