BIBLIAJ KUTICHIYKUNASNIN
¿Wiñaypaj kausayta atisunmanchu?
¿Imataj wañuymanta kacharichiwasunman?
Ñaupa runa Adanqa, may unayta kausarqa. Chaywanpis machuyaspa wañuporqa. Chaymantapacha runasqa, mana machuyanankupaj tukuy imata ruwanku. Chaywanpis wañupullankupuni. ¿Imaraykú? Adanqa, Diosta mana kasukuspa juchallisqanrayku wañorqa. Noqanchejtaj paymanta juchata japʼisqanchejrayku, wañullanchejtaj. (Génesis 5:5; Romanos 5:12 leey.)
Wiñayta kausanapajqa, pillapis kacharichina preciota pagapunawanchejta necesitanchej (Job 33:24, 25). Imaynatachus wisqʼasqa runata kacharichinapaj pagakun, kikillantataj wañuymanta kacharichisqa kananchejpaj ruwakunan karqa (Éxodo 21:29, 30). Jesusqa noqanchejrayku wañuspa, chay preciota pagarqa. (Juan 3:16 leey.)
¿Imaynatá wiñay kausayta japʼisunman?
Mana tukuychu onqoymanta, wañuymanta ima kacharichisqa kanqanku. Diosta, Adán jina mana kasukojkunaqa, wañonqanku. Juchasninkumanta perdonasqa kajkunalla, wiñaypaj kausanqanku. (Isaías 33:24; 35:3-6 leey.)
Juchasninchej pampachasqa kananpajqa, Diosmanta yachakunanchej tiyan. Chaypajtaj Bibliata ukhunchana. Palabrannejtaqa, sumajta kausanapaj, ñaupaqenpi allinpaj qhawasqa kanapaj, wiñay kausayta japʼinapaj ima yanapawanchej. (Juan 17:3; Hechos 3:19 leey.)