Aswan sumaj yachachejkuna kana: Cartasta ruwayta yachana

¿IMARAYKUTAJ RUWANANCHEJPUNI TIYAN? Apóstol Pabloj 14 cartasninmanta ujnenqa Ñaupaj kaj Corintios. Chay cartataqa qhelqarqa hermanosta kallpachananpaj. Cartasta qhelqajqa sumajta tʼukurispa qhelqan. Pichus chay cartata japʼikojtaj ashkha kutista leerin. Chayrayku cartanejta predicasunman familiaresninchejman, rejsisqasninchejman, wasisninkupi mana taripayta atisqanchej runasman ima. Cartasta qhelqasunman Bibliamanta yachakuyta munajkunata wasisninkupi mana taripaspa, edificiospi, jatuchaj wasispi chayri karu lugarespi tiyakojkunaman. Chaywanpis mana rejsisqa runasman qhelqanapajqa, allinta tʼukurinanchej tiyan.

¿IMAYNATÁ RUWASUNMAN?

• 

  Imaynatachus wasiyojwan parlariwaj, ajinata qhelqay. Sutiykita willaspa qhelqayta qallariy, imapajchus qhelqashasqaykitataj willay. Chantá ichá uj tapuyta qhelqaspa Internetpi jw.org nisqapi chay tapuyman kutichishasqanta niwaj. Chantá Internetnejtapis Bibliamanta yachakuyta atisqanta nillawajtaj (niraj quechuapi kanchu), chayri runasta wasisninkupi Bibliamanta yachachisqanchejta niwaj. Willarillawajtaj Bibliata estudianapaj wakin publicacionesninchejwan yanapachikusqanchejta. Chaykunamanta mayqen capitulollatapis qhelqaykuwaj. Chay cartapeqa apachiwaj Internetman yaykunanpaj uj tarjetitata, uj invitacionta chayri uj tratadota.

• Pisillata qhelqay. Ashkhata qhelqajtiykeqa ichá mana leeyta tukonqachu (8 paginapi kaj cartata qhawariy).

• Tukuynin palabrasta allinta qhelqay. Chantapis leeyta atinapaj jinalla kanan tiyan, uj amigopaj jinataj. Cartaqa mana phiñachinapaj jinachu chayri pisipaj qhawachinapaj jinachu kanan tiyan. Chantapis apachisqanchej chay cartamanta noqanchej pagananchej tiyan.