¿Imatataj qhariwarmis ruwankuman aswan ujchasqas kanankupaj?

Abrahanwan Sarawanqa munanakoj kanku, respetanakojtaj kanku (Gé 12:11-13; 1Pe 3:6). Jinapis kausayninkupi problemasqa kajpuni. Qhariwarmisqa paykunamanta mayta yachakunkuman.

Qhariwarmisqa sumajta parlarikunanku tiyan. Qosayki chayri warmiyki phiñakojtin chayri rabiakojtin, nitaj allintachu parlasojtenqa, kʼachamanta, llampʼu sonqowantaj kutichinaykipaj kallpachakuy (Gé 16:5, 6). Khuska kanaykichejpaj kallpachakuychej. Munanakusqaykichejtaqa rikuchiychej, ruwasqaykichejwan parlasqaykichejwantaj. Astawanqa Jehovata kausayniykichejpi ñaupajman churaychej. Chaypajqa khuska Bibliata estudiaychej, orakuychej, ujchasqataj sirviychej (Ec 4:12). Sumaj ujchasqa qhariwarmisqa Jehovata jatunchanku, imajtinchus pay qhariwarmi kausayta rikhuricherqa.

¿IMATÁ QHARIWARMIS RUWANKUMAN ASWAN UJCHASQA KANANKUPAJ? NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynamantataj Shaanwan Kiarawan karunchanakusharqanku?

• ¿Imaraykutaj qhariwarmis sutʼita parlarinanku tiyan?

• ¿Imatataj yachakorqanku Abrahanmanta Saramanta ima Shaanwan Kiarawan?

• ¿Imastataj Shaanwan Kiarawan ruwarqanku aswan ujchasqa kanankupaj?

• ¿Imaraykutaj casarasqas mana suyanankuchu tiyan qhariwarmi kausayninkupi ni ima problema kananta?