Jehová Diospi atienekusqanchejta rikuchina

Davidqa Jehová Diospi atienekusqanrayku Goliatta atiparqa (1Sa 17:45). Jehová Diosqa payta sirvejkunata yanapayta munan (2Cr 16:9). ¿Imaynatá Jehová Diospi atienekusqanchejta rikuchisunman? Chayta qhawarina.

• Jehová Diosmanta mañakunallapuni. Diosmanta mana juchasninchejta perdonanallawanchejtachu mañakunanchej tiyan, manaqa niraj juchaman urmashajtinchej yanapanta mañakunanchej tiyan (Mt 6:12, 13). Kausayninchejpi niraj imatapis ruwashaspa jinallataj imatachus ruwananchejta yachaspaña Jehová Diosmanta mañakusunman (Snt 1:5).

• Bibliata leeyman estudiaymantaj yachaykukuna. Sapa día Bibliata leerina (Sl 1:2). Ñaupa tiempomanta Diospa kamachisninmanta yachakuspa chayman jina ruwana (Snt 1:23-25). Predicacionman llojsinapajqa wakichikunapuni, amataj yachasqallanchejpi atienekunachu. Tantakuykunapajpis sumajta wakichikuna, ajinamanta astawan yachakusun.

• Diospa llajtanta kasukuna. Diospa llajtan imallatapis kamachiwajtinchej chay rato kasukuna (Nú 9:17). Tukuy imata ancianos niwasqanchejtapis kasukunallataj (Heb 13:17).

QHATIYKACHASQA KAYTA AMA MANCHACHIKUNACHU NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imatataj hermanosninchej manchachikorqanku?

• ¿Imataj hermanosninchejta yanaparqa manaña manchachikunankupaj?