Sutʼinta niy

Jesuspa ruwasqan

VIDEO: Jesús uj qhapaj kamachej joventa yuyaychan

1. VIDEOTA qhawariy chayri Marcos 10:17-22 leeriy. Chantá kay tapuykunapi tʼukuriy:

1. Kamachej jovenpi, ¿ima allin imastataj Jesús repararqa?

2. ¿Imatataj Jesús chay kamachej jovenman munakuywan, sutʼintataj ninan karqa?

¿Imatá Jesusmanta yachakunchej?

2. Estudiosninchej ñauparinankuta munanchej chayqa, paykunata munakuywan parlapananchej tiyan, sutʼintataj ninanchej tiyan imapichus cambianankuraj kasqanta.

Jesús jina ruway

3. Estudioykita yanapay Diospa llajtanpi imastachus ruwananpi piensarinanpaj, chayta juntʼananpajtaj.

1. Wiñaypaj kusisqa kausakuy libromanta “Tarea” nisqa recuadrowan sapa leccionpi yanapachikuy.

2. Estudioykita yanapariy Diospa llajtanpi ruwayta munasqan imasta pisi tiempollapi chayri aswan qhepaman juntʼananpaj.

3. Estudioykita sapa kuti felicitariy ñauparishasqanmanta.

4. Imaraykuchus estudioyki mana ñauparishasqanta reparay, chayta atipananpajtaj yanapay.

1. Tapurikuy:

   • “Estudioy mana bautismoman chayayta atishanchu chay, ¿imataj payta jarkʼashanman?”.

   • “¿Imatá ruwayman yanapanaypaj?”.

2. Jehovamanta kallpata mañakuy estudioykiman imatachus ruwananta sutʼinta ninaykipaj, munakuywantaj ninaykipaj.

5. Estudioyki mana ñauparejtenqa amaña estudiachiychu.

1. Niraj uj estudiota saqepushaspaqa kayta tapurikuy:

   • “¿Imastachus yachakusqanman jinachu ruwashan?”.

   • “¿Tantakuykunaman jamunchu? ¿Imatachus yachakusqanmanta wajkunaman willarinchu?”.

   • “Unaytaña estudiashan chay, ¿munanchu testigo kayta?”.

2. Sichus estudioyki mana ñauparishanchu chayqa:

   • Imachus mana ñauparejta saqeshasqanpi piensarichiy.

   • Kʼachallamanta, sutʼintataj niy imaraykuchus manaña estudiachinaykita.

   • Sutʼinmanta willay niraj watejmanta estudiayta qallarishaspa imaspichus cambianan kasqanta.