Mayta phiñakuspa hermanonta wañucherqa

Adanwan Evawanqa Edén huertamanta wijchʼuchikamusqankumanta qhepaman, ashkha wawasniyoj karqanku. Kuraj wawankoqa Caín karqa. Payqa jallpʼata llankʼaj runa karqa. Sullkʼantaj Abel karqa. Payqa ovejerito karqa.

Uj día, Cainwan Abelwanqa Jehová Diosman jaywanasta jaywarqanku. Jehová Diostaj Abelpa jaywasqallanta allinpaj qhawarqa. Chayrayku Cainqa mayta phiñakorqa. Jehová Diosqa payman nerqa: “Phiñasqallapuni kanki chayqa mana allin imasta ruwanki”, nispa. Caintajrí mana kasorqachu.

Cainqa Abelta “jaku, monteman rina” nispa pusarqa. Chaypitaj Cainqa Abelta maqaspa wañucherqa. Chayrayku Jehová Diosqa Cainta castigarqa familianmanta karuman kachaspa. Payqa manaña ujtawan familianman kutinanchu karqa.

Cainmantaqa yachakunchej mana sinchʼita phiñakunachu kasqanta. Wakin imas mana munasqanchejman jinachu ruwakojtenqa, ichá phiñakusunman. Jinapis sapa kuti phiñakusqanchejta reparakuspaqa chayri wajkuna phiñasqa kashasqanchejta reparajtinkoqa cambiananchej tiyan. Phiñakuyninchejwan atipachikusun chayqa, mana allin imasta ruwasun.

Abelqa Jehová Diosta mayta munakorqa, allin imastapunitaj ruwarqa. Chayrayku Jehová Diosqa ni jaykʼaj paymanta qonqaponqachu. Kay jallpʼata paraisoman tukuchispataj payta kausarichimonqa.