“¡May sumaj kay dibujosqa!”

Kay jina mosoj revistata kichariytawan ashkha kutitachá chayta nerqanki sapallaykipi chayri wajkunaman. Chay dibujosta, fotosta imaqa may sumajta tʼukurispa churakun. ¿Imapaj? Tʼukurichinawanchejpaj, sonqonchejtataj kuyurichinanpaj. Chay dibujosqa Torremanta Qhawaj revistata wakichikunapaj chayri tantakuypi tapuykunaman kutichinapaj, mayta yanapawasunman.

Yachaqanaj qallariyninpi rikhurej dibujota imaraykuchus churakusqanpi tʼukuriy. ¿Imatataj sutʼinchashan? ¿Imaynatataj chay yachaqanawan chayri ima textomantachus orqhosqa kasqanwan khuskachasqa kashan? Ujnin dibujosta qhawarishaspapis, imaynatachus chay yachaqanawan khuskachasqa kashasqanpi, imaynatachus kausayniykipi yanapasunanpi ima tʼukuriy.

Torremanta Qhawaj revistamanta yachachej hermanoqa hermanosta parlarichinan tiyan imatachus sapa dibujomanta yachakusqankumanta chayri kausayninkupi imaynatachus yanapasqanmanta. Wakin kuteqa uj dibujoj uritanpi ima parrafowanchus khuskachasqa kashasqanta sutʼinchanña. Chaywanpis wakin dibujospajqa yachachej hermano ima parrafopichus sutʼinchakunanta ninman. Ajinamanta, Diospa Palabranpi yachachiykunata sutʼinchanapaj dibujosta churakusqanwan, tukuy yanapachikonqanku.

Uj hermano, jinata nerqa: “Dibujosqa uj yachaqanata astawan miskʼirichiwanchej”, nispa.