Llakikuy
¿Mana qolqeyoj, mana mikhunayoj chayri mana wasiyoj qhepakunaykipi piensaspachu llakikunki?
Chaymanta parlaj versículos:
Lam 3:19. Jerusalén thuñisqa kasqantawan profeta Jeremías, jinallataj waj ashkha runaspis mana wasiyoj qhepakorqanku.
2Co 8:1, 2; 11:27. Macedoniamanta hermanosqa may wajchas karqanku. Apóstol Pablopis ashkha kutispi mana mikhunayoj, mana ropayoj quedakorqa, ni puñunanpajpis uj lugar kaporqachu.
Kallpachaj versículos:
Leerillaytaj Dt 24:19.
¿Sapallayki, mana amigosniyoj qhepakunaykita, nitaj pipis munakusunanta manchikuspachu llakikunki?
Chaymanta parlaj versículos:
1Re 18:22; 19:9, 10. Profeta Eliasqa sapayakorqa, pay sapallanña Jehovata yupaychashasqanta yuyaspa.
Jer 15:16-21. Profeta Jeremiasqa sapayakorqa kusirikuyllata maskʼaj runas chaupipi tiyakusqanrayku, chay runastaj paypa willasqanta mana uyarisqankurayku.
Kallpachaj versículos:
Sonqochaj versículos:
1Re 19:1-19. Jehovaqa profeta Eliasman mikhunata, yakuta ima qorqa. Chantapis llakiyninta pacienciawan uyarerqa, payta yanapananpaj atiyniyoj kasqanta rikuchispataj kallpacharqa.
Jn 16:32, 33. Jesusqa yacharqa amigosnin saqerparinankuta. Jinapis mana chaymanta llakikorqachu, imaraykuchus sutʼita yacharqa Jehová paywanpuni kananta.