6 TAPUY
¿Imatá Biblia Mesiasmanta willarqaña?
PROFECÍA
“Qanmantataj Belén Efrata, [...] qanmantaqa noqapaj uj kamachej llojsenqa, Israelpi kamachinanpaj”.
JUNTʼAKUSQAN
“Jesusqa Judeapi kaj Belén llajtapi nacekorqa, rey Herodes kamachishajtin. Chaymantataj inti llojsimuynejmanta chʼaskasta qhawaj yatiris Jerusalenman jamuspa”.
PROFECÍA
“Ropasniyta partinakunku, ropayrayku suerteta choqanku”.
JUNTʼAKUSQAN
“Jesusta rakhu kʼaspiman clavaytawan, soldadosqa ropanta tawaman tʼaqaspa partinakorqanku [...]. Chay ropanqa mana sirayniyoj karqa, patamanta urakama awasqa kasqanrayku. Soldadostaj ninakorqanku: ‘Kaytaqa ama llikʼinachu. Suerteta choqanachej pipajchus kananta yachanapaj’, nispa”.
PROFECÍA
“Payqa tukuy tullusninta waqaychashan. Ni uj tullullanpis pʼakisqachu karqa”.
JUNTʼAKUSQAN
“Jesusman qayllaykuspataj wañusqataña rikorqanku. Chayrayku mana chakisninta pʼakerqankuñachu”.
PROFECÍA
“Paytaqa juchasninchejrayku tʼojserqanku”.
JUNTʼAKUSQAN
“Ujnin soldadotaj Jesuspa wajtannin chaynejta lanzawan tʼojserqa, chay ratopachataj yawarwan yakuwan llojsimorqa”.
PROFECÍA
“Paykunataj pagapuwarqanku 30 qolqesta”.
JUNTʼAKUSQAN
“Chaypacha 12 apostolesmanta ujnin, Judas Iscariote sutiyojqa kuraj sacerdotesman rerqa, taporqataj: ‘Jesustachus jaywaykuykichejman chayqa, ¿imatataj qowankichejman?’, nispa. Paykunataj 30 qolqesta qonankuta nerqanku”.