Kutichiykunata Maskʼana

“Imatachus kawsananchikpaq ruwananchikta yachaspaña, chantapis tukuy imayuq kaspa —sumaq autoyuq, sumaq radioyuq ima—, imapaqchus kawsasqallanchiktaña yachananchik tiyan. ¿Imapaqña kallpakusun? ¿Qhasi mana kaqpaq? David G. Myers, profesor de Psicología de la Universidad Hope (Holland, Michigan, EE.UU.)

KAY profesor tapusqanman, ¿imatataq kutichiwaq? Ichapis wakin runaqa, chay tapuykunapaq kutichiykunata maskʼay, qhasi mana kaqlla kasqanta ninkuman. Chaywanpis, chay tapuykunata mana kutichiyqa, zapatopi rumiwan kikinchakunman, imaptinchus zapatomanta rumita mana urqhuptinchikqa, puriyta atiptinchikpis chakinchiktaqa nanachiwasun.

Ichá maykʼaqllapis kay kawsayllachu tiyan, nispa tapukurqanki, chaywanpis kay tapuytaqa mana qamllachu jinata tapukunki. Kay Encuesta Mundial de Valores, nisqa, [mayqinchus runap kawsayninmanta ukhuncharqa] “achkha suyuspi runaqa tapukun: ¿imapaqtaq kawsachkanchik, imaraykutaq kawsachkanchik?”, nispa.

Chiqamanta sunqu tiyasqa kanapaqqa, kay iskay tapuykunaman kutichinanchik tiyan.

¿Imapaqtaq kawsanchik?

¿Imatataq aswan qhipapaq suyakunchik?

¿Maypitaq kay tapuykunapaq allin kutichiykunata tarisunman? Qhipan paginaspi, imaynatachus Diospa Palabran kay tapuykunaman kutichisqanta tarinki, manataq runap yuyayninmanjinachu kutichin. Kunanqa, Bibliaykita ñawirispa, chay kutichiykuna chiqapuni kasqanta rikunkiman.