¿Yuyarikunkichu?
¿Kay killasmanta Torremanta Qhawaq revistasta ñawirirqankichu? ¿Kay tapuykunaman kutichiyta atiwaqchu?
• ¿Jesús, janaqpachapi runas wiñay kawsayta japʼinankutachu nirqa?
Arí, chayrayku chiqa sunqu apostolesninman jinata nirqa: “Tatay kashan, chaypi ashkha wasis tiyan; [...] kunanqa rishani qankunapaj uj cheqata wakichimoj”, nispa (Juan 14:2). Chay tʼinkata japʼiqkunaqa, pisilla kananku karqa. Imaraykuchus Jesusqa, Lucas 12:33 pʼitipi, pikunachus janaqpachaman riqkunata, “juchʼuy tropa” ovejaswan kikincharqa (10-12, páginas 18, 19).
• ¿Imatá Jesús, Pedrota yakumanta urqhumusqanmanta yachakusunman? (Mat. 14:28-31)
Juk hermanop iñiynin pisiyasqanta reparaptinchikqa, yanaparina, kallpacharina ima (15/9, página 8).
• ¿Imatá Jehová juchamanta kacharichinawanchikpaq ruwarqa?
Jehovaqa, Churinta asipayasqankuta, ñakʼarichisqankuta ima, rikurqa. Chantapis, imaynatachus Abraham wawanta Jehovaman jaywananpaq wakichikuchkaptin sunqun nanarqa, kikillantataqchá, Churinta suwatajina wañuchichkasqankuta rikuptin sunqun nanarqa (15/9, páginas 28, 29).
• ¿Imaynamantá saqra runaspa sunqunkuta ‘nina brasaswanjina’ unuyachisunman?
Saqra runaspaq allin kaqta ruwaspaqa, ‘nina brasaswanjina’ churanakuqkunap sunqunkuta unuyachinchik, nisunman pantasqa yuyayninkuta tikrachinchik. Ichá ajinata ruwasqanchikraykutaq, Jehovap llaqtanta, kamachisninpa willayninkuta ima, allinpaq qhawankuman (15/10, página 8).
• Proverbios 24:27, ‘wasita ruwakuy’ nispa, ¿imatá yachachiwanchik?
Casarakuyta munaq qhariqa, juk tatap ruwananta ruwananpaq wakichisqa kanan tiyan. Chantapis, familianta Diosmanta yachachinanpaq, mikhunata churapunanpaq, jinallataq imastachus necesitasqankupi yanapananpaqpis, wakichisqa kanan tiyan (15/10, página 12).
• ¿Jehová imayna runastataq allinpaq qhawan?
Jehovaqa, payta yupaychaqkuna llampʼu sunqus, sunqu tiyasqas ima, kanankuta munan. Mirianwan Aaronwanqa, “Moisespa contranta rimarqanku” (Núm. 12:1). Diosqa, chay rimarakusqankuta, contranpi parlasqankutajina qhawarqa (10-12, página 20).
• Rahab ruwasqanmanta, ¿imatá yachakusunman?
Rahabqa, Jehová imastachus llaqtanrayku ruwasqanpi sumaqta tʼukurirqa. Chantapis, Diospa kamachisninta yanaparqa. Astawanpis, Diospa llaqtanman jukchaykukurqa, payta yupaychananpaq (10-12, páginas 12, 13).
• ¿Imatá Jehovawan Churinwan kʼachas kasqankumanta yachakuyta atisunman?
Jehová Diosqa, tukuy ima atiyninpi kaptinpis, tukuy runasta kʼachamanta allinpaq qhawaq. Ñawpa tiempopi, Abrahamman, Moisesman ima, parlachkaptinqa, hebreo qallupi juk rimayta uqhariq, chaytaq imatapis ruwanankuta kʼachamanta mañasqanta rikuchin (Gén. 13:14; Éxo. 4:6). Kʼacha kaynintaqa, imaynatachus runasta uyarisqanpi rikuchillantaq (Gén. 18:23-32). Jesuspis kikillantaq karqa, chaytataq runasta sutinmanta parlapayasqanpi rikunchik (15/11, página 25).
• ¿Imaraykutaq Dios, kamachisninman manaña atiyta qunchu milagrosta ruwanankupaq?
Jehová Diosqa, imaynatachus juk tata wawanta wiñasqanmanjina wakjinamanta yanapan, jinallatataq cristiana qutuchakuyta astawan wiñasqanmanjina jukjinamanta yanaparqa. Chayrayku, Pablo sutʼinchasqanmanjina milagrosta ruwanapaq atiyqa, —Diospa Palabranmanta sutʼinchayjina, wak parlaykunapi parlayjina ima— ‘tukukapurqa’ (07-09, páginas 28,29).