Salmos
Tayta Dios mandaq rey kashqan
93 ¡TAYTA DIOSMI mandamaqnintsi rey kaykan!
¡TAYTA DIOSMI chipchipyaykaq röpan jatishqa kaykan!
¡Paymi imayyaqpis munayniyuq kaykan!
Paymi kay patsatapis shumaq takyatsishqa mana kuyukunanpaq.
2 Tayta Dios, unaypita patsami mandaq kaykanki.
Qamqa imapis manaraq kaptinmi mayna karqayki.
3 TAYTA DIOS, mayumi pasaypa cargashqa aywaykan.
Bunyaypa bunyarraqmi aywaykan.
Bötiypa bötirraqmi aywaykan.
4 Qammi itsanqa cargashqa mayupitapis mas munayniyuq kaykanki.
Lamarcho jatunkaray öla sharkuqpitapis mas poderniyuqmi kaykanki.
5 Nishqaykikunataqa imaypis cumplinkimi.
Templuykiqa imayyaqpis *sagrädumi kaykan.