Bibliapita INTERNETCHO PUBLICACIUNNINCHICUNA

INTERNETCHO PUBLICACIUNNINCHICUNA

Quechua de Huánuco (Huallaga)

Salmos 111
Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 111:5

*
mantsakuy, Diosta mantsakuy Tayta Diosta mantsakurqa tantiyantsi kuyakuq y perdonakuq karpis jutsa rurayta mana kachariqkunata castigashqantami (Éxo. 34.6; Heb. 10.31). Tayta Dios munayniyuq kashqanta rikar Israel runakunapis payta mantsakurqanmi (Éxo. 14.31; Jos. 4.24; 1Sam. 12.18). Tsaymi Tayta Diosta mantsakur payta adorar cäsukuntsi (Deut. 5.29; 10.12-13; Jos. 24.14) y runa mayintsiwan ali kawantsi (Lev. 25.17, 36, 43). Tayta Diosqa payta mantsakuqkunapa amïgunmi kaykan (Sal. 25.14).

Tayta Diosta mantsakunantsipaq yachakuntsi (Deut. 4.10; 14.23; 17.19; Sal. 34.11). Tayta Diosta mantsakuq runaqa yachaq y tantiyakuqmi kaykan (Job 28.28; Sal. 111.10; Prov. 1.7).

Mushuq Testamentuchöpis Tayta Diosta mantsakunantsipaq kashqanpitami parlan. Tsaychömi niykan payta mantsakuqkunata Tayta Dios kuyapashqanta (Luc. 1.50; Hech. 10.35) y Tayta Diosta mantsakur pay munashqanno kawashqantsita (2Cor. 7.1; 1Ped. 1.17; 2.17). Tsaynöpis niykan Tayta Diosta mantsakuqkuna premiuta chaskinanpaq kashqanta (Apoc. 11.18).

Itsanqa Jesucristuta chaskikur jutsata rurashqantsipita perdonashqana kaykantsi (Rom. 3.23-25; 1Juan 1.9). Tsaymi musyantsi Tayta Dios manana castigamänantsipaq kashqanta (1Juan 4.18) y payta mana mantsakuypa manakunantsipaq kashqanta (Rom. 8.15; Efe. 3.12).
*
pactu Pactuqa promitinakushqanta cumplinanpaq nishqanmi kaykan. Unay Testamentuchöqa Israel runakunawanmi pactuta Tayta Dios rurarqan. Tsaymi Tayta Dios promitirqan Israel runakunapa Diosnin kar paykunata imaypis yanapananpaq. Israel runakunanami Tayta Diosta promitirqan mandamientunkunata y leyninkunata cumplipäkunanpaq (Éxo. 6.7; 19.5-6; Lev. 26.3-12). Pactuta rurarmi uywata pishtar shuntashqan yawarta Israel runakunaman Moisés tsaqtsuparqan (Éxo. 24.8). Tsaynölami Jesucristo noqantsi rayku wanur yawarninta jichashpan mushuq pactuta rurarqan payta chaskikuqkunata jutsankunapita perdonar salvananpaq (Luc. 22.20; Heb. 10.16-17).

Salmos 111:9

*
santu; sagrädu Tayta Dios santu kashqanta nirqa jutsaynaq kashqanta y pipis ni imapis payman mana tinkushqantami niykan (Isa. 5.16; 6.3; Apoc. 4.8; 15.4).

Runakuna santu kashqanta nirqa Tayta Dios akrashqan runakuna kashqanta (Deut. 7.6) y pay munashqanno jutsaynaq kawashqantami niykan (Lev. 20.7-8).

Sitiukuna y manëjukuna Tayta Diospaq kaptinqa sagrädu kashqantami niykan. Tsaymi Israel nacionpis (Zac. 2.12), Jerusalén markapis (Isa. 48.2) y templupis (Sal. 68.5) sagrädu kaykan. Tsaynölami jamay junaqpis (Éxo. 31.14) y fiestakunapis (Lev. 23.2) sagrädu kaykan.

Salmos 111:10

*
111.10 Job 28.28; Prov. 1.7; 9.10.

Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 111:1-10

Salmos

Tayta Diosta alabashqan

111 ¡Aleluya!

Lapan shonqüwanmi TAYTA DIOSTA alabashaq.

Pay munashqanno kawaq runakunawan juntakaykurmi alabashaq.

2 TAYTA DIOS rurashqankunaqa espantaypaqmi kaykan.

Rurashqankunata rikarmi tantiyakuqkunaqa pasaypa kushikärin.

3 Kamashqankunaqa lapanpis kuyaylapaqmi kaykan.

Payqa imaypis alilatami ruran.

4 Espantaypaq rurashqankunata imaypis yarparäshun.

TAYTA DIOSQA ali shonqu y kuyapäkuqmi kaykan.

5 Payta *mantsakuqkunataqa mikuyta kamaripanmi.

*Pactu rurashqantaqa imaypis yarparaykanmi.

6 Juk nación runakunata qarqurirmi kuyashqan runakunata posisionta aypurqan.

Tsaynöpami munayniyuq kashqanta tantiyatsirqan.

7 Tayta Dios rurashqanqa lapanpis alimi kaykan.

Paypa mandamientunkunaqa lapanpis cäsukunantsipaqmi kaykan.

8 Tsaykunaqa imayyaqpis mana ushakaqmi kaykan.

Tsaynöpis alita rurar kawanantsipaqmi tantiyatsimantsi.

9 Libri kananpaqmi kuyashqan runakunata Tayta Dios jorqamurqan.

Imayyaqpis yanapananpaqmi paykunawan pactuta rurarqan.

Paypa jutinqa *santu y mantsakuypaqmi kaykan.

10 Tantiyakuq kaytaqa qalaykuntsi TAYTA DIOSTA mantsakurmi.

Mandamientunta cumpliqkunaqa ali yarpayniyuqmi karkaykan.

¡Payqa imayyaqpis alabashqami kanqa!*