Bibliapita INTERNETCHO PUBLICACIUNNINCHICUNA

INTERNETCHO PUBLICACIUNNINCHICUNA

Quechua de Huánuco (Huallaga)

Malaquías 4
Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Malaquías 4:2

*
mantsakuy, Diosta mantsakuy Tayta Diosta mantsakurqa tantiyantsi kuyakuq y perdonakuq karpis jutsa rurayta mana kachariqkunata castigashqantami (Éxo. 34.6; Heb. 10.31). Tayta Dios munayniyuq kashqanta rikar Israel runakunapis payta mantsakurqanmi (Éxo. 14.31; Jos. 4.24; 1Sam. 12.18). Tsaymi Tayta Diosta mantsakur payta adorar cäsukuntsi (Deut. 5.29; 10.12-13; Jos. 24.14) y runa mayintsiwan ali kawantsi (Lev. 25.17, 36, 43). Tayta Diosqa payta mantsakuqkunapa amïgunmi kaykan (Sal. 25.14).

Tayta Diosta mantsakunantsipaq yachakuntsi (Deut. 4.10; 14.23; 17.19; Sal. 34.11). Tayta Diosta mantsakuq runaqa yachaq y tantiyakuqmi kaykan (Job 28.28; Sal. 111.10; Prov. 1.7).

Mushuq Testamentuchöpis Tayta Diosta mantsakunantsipaq kashqanpitami parlan. Tsaychömi niykan payta mantsakuqkunata Tayta Dios kuyapashqanta (Luc. 1.50; Hech. 10.35) y Tayta Diosta mantsakur pay munashqanno kawashqantsita (2Cor. 7.1; 1Ped. 1.17; 2.17). Tsaynöpis niykan Tayta Diosta mantsakuqkuna premiuta chaskinanpaq kashqanta (Apoc. 11.18).

Itsanqa Jesucristuta chaskikur jutsata rurashqantsipita perdonashqana kaykantsi (Rom. 3.23-25; 1Juan 1.9). Tsaymi musyantsi Tayta Dios manana castigamänantsipaq kashqanta (1Juan 4.18) y payta mana mantsakuypa manakunantsipaq kashqanta (Rom. 8.15; Efe. 3.12).

Malaquías 4:4

*
4.4 Éxo. 19.16—20.20; 24.1-17; Deut. 5.1-3.

Malaquías 4:5

*
4.5 1Rey. 17—21; 2Rey. 2.1-12; Mat. 11.14; 17.10-13; Mar. 9.11-13; Juan 1.21.

Malaquías 4:6

*
4.5-6 Luc. 1.17.

Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Malaquías 4:1-6

Malaquías

Tayta Dios juzganan junaq chayamunanpaq nishqan

4 (3.19) Lapanta mandaq TAYTA DIOS kaynömi nin: “Walkalanami pishiykan juzganä junaq chayamunanpaq. Tsay junaqmi bunyaypa bunyar nina rupar oqshata ushashqanno lapan ali chölu tukuqkunata y fiyu runakunata chipyaq ushakätsishaq. 2 (3.20) Qamkunapaqmi itsanqa, *mantsakamaq kapäkuptiki, inti jeqamuqno salvación chayamunqa. Salvacionta chaskirmi becërrukuna pañaqnöraq kushishqa tiwyaykachanki. 3 (3.21) Juzganä junaq chayamuptinmi fiyu runakunata vincir uchpatano jarur ushanki. Noqa lapanta mandaq TAYTA DIOSMI tsayno nï”.

Elíasta kachamunanpaq Tayta Dios nishqan

4 (3.22) Tayta Dios kaynömi nin: “Sirvimaqnï Moisésta Horeb puntacho* kamaripashqä leynïkunata imaypis ama qonqapäkuytsu. Tsay leynïkuna y mandamientükunaqa lapan Israel runakunapaqmi kaykan.

5 (3.23) “Juzganä junaq pasaypa mantsariypaqmi kanqa. Tsay junaq manaraq chayamuptinmi profëta Elíasta qamkunaman kachamushaq.* 6 (3.24) Pay wilakuptinmi mamanpis wawankunawan y papäninpis tsurinkunawan amistanqapaq. Tsurinkunapis papäninwan y mamanwan amistanqapaq.* Mana amistaptinqa shamushqä hörami nacionninta ushakätsishaqpaq”.