Salmos
Tayta Diosta tsakaypa manakushqan
(1) Cantaqkunapa mandaqninpaqmi. Cuerdayuq instrumentuta tukar kay salmuta cantapäkunki. David qelqashqan salmu.
4 (2) Tsapämaqnï Tayta Dios, manakamushqäta mayaykalämay.
Conträ sharkuptin qammi favornï sharkurqayki.
Kananpis kuyapämar mayaykalämay.
2 (3) Yachaq tukuq runakuna, ¡imayyaqraq manakaqkunata jitapämanki!
¡Imayyaqraq lutankunata yarpar lulakunaykipaq yarpachakuykanki! Selah
3 (4) Kay nishqäta tantiyakäriy:
TAYTA DIOSQA munashqanno kawaq runakunatami kuyan.
Tsaymi manakuptï yanapaman.
4 (5) Rabyakurpis jutsata ama rurapäkuytsu.*
Tsaypa trukanqa cämaykicho shumaq yarpachakäriy. Selah
5 (6) TAYTA DIOSPAQ sacrificiuta apar payman yärakäriy.
6 (7) Atska runakunami kayno nipäkun:
“¿Piraq yanapamäshun ali kawayta tarinantsipaq?”
TAYTA DIOS, noqakunata imaypis ali rikaykalämay.
7 (8) Tsaytsika trïguta cosechar y aypala üvata shuntar runakuna kushikushqanpitapis masraqmi qamqa kushikatsimanki.
8 (9) Noqaqa tranquïlulami punüpis.
Lapan mana alikunapita tsapämaptikimi kushishqa kawä.*