Bibliapita INTERNETCHO PUBLICACIUNNINCHICUNA

INTERNETCHO PUBLICACIUNNINCHICUNA

Quechua de Huánuco (Huallaga)

Salmos 2
Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 2:2

*
2.1-2 Hech. 4.25-26.

Salmos 2:4

*
2.4 Sal. 59.8.

Salmos 2:6

*
Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).
*
sagrädu Liyinki santupita tantiyatsikuyta.

Salmos 2:7

*
2.7 2Sam. 7.14; Hech. 13.33; Heb. 1.5; 5.

Salmos 2:9

*
2.9 Apoc. 2.26-27; 12.5; 19.15.

Salmos 2:11

*
mantsakuy, Diosta mantsakuy Tayta Diosta mantsakurqa tantiyantsi kuyakuq y perdonakuq karpis jutsa rurayta mana kachariqkunata castigashqantami (Éxo. 34.6; Heb. 10.31). Tayta Dios munayniyuq kashqanta rikar Israel runakunapis payta mantsakurqanmi (Éxo. 14.31; Jos. 4.24; 1Sam. 12.18). Tsaymi Tayta Diosta mantsakur payta adorar cäsukuntsi (Deut. 5.29; 10.12-13; Jos. 24.14) y runa mayintsiwan ali kawantsi (Lev. 25.17, 36, 43). Tayta Diosqa payta mantsakuqkunapa amïgunmi kaykan (Sal. 25.14).

Tayta Diosta mantsakunantsipaq yachakuntsi (Deut. 4.10; 14.23; 17.19; Sal. 34.11). Tayta Diosta mantsakuq runaqa yachaq y tantiyakuqmi kaykan (Job 28.28; Sal. 111.10; Prov. 1.7).

Mushuq Testamentuchöpis Tayta Diosta mantsakunantsipaq kashqanpitami parlan. Tsaychömi niykan payta mantsakuqkunata Tayta Dios kuyapashqanta (Luc. 1.50; Hech. 10.35) y Tayta Diosta mantsakur pay munashqanno kawashqantsita (2Cor. 7.1; 1Ped. 1.17; 2.17). Tsaynöpis niykan Tayta Diosta mantsakuqkuna premiuta chaskinanpaq kashqanta (Apoc. 11.18).

Itsanqa Jesucristuta chaskikur jutsata rurashqantsipita perdonashqana kaykantsi (Rom. 3.23-25; 1Juan 1.9). Tsaymi musyantsi Tayta Dios manana castigamänantsipaq kashqanta (1Juan 4.18) y payta mana mantsakuypa manakunantsipaq kashqanta (Rom. 8.15; Efe. 3.12).

Tayta Diospa wilakuynin (Las sagradas escrituras en el quechua de Margos-Yarowilca-Lauricocha Huánuco)

Salmos 2:1-12

Salmos

Mandaq rey kananpaq Tayta Dios churashqan

2 ¿Imanirtaq runakuna Diospa contran sharkapäkun?

¿Imanirtaq manakaqkunata yarpapäkun?

2 Manakaqkunata yarparmi nacionkunapa mandaqnin reykuna kamarikurkaykan guërrata rurananpaq.

Paykunaqa Tayta Diospa contran y akrashqan reypa contran sharkunanpaqmi wilanakurkaykan* kayno nir:

3 “¡Munaynincho kashqantsipita yarqukushun!

¡Makincho kashqantsipita qeshpikushun!”

4 Paykuna tsayno parlaptinmi jana patsacho Tayta Dios asikun.

Tsay wilanakushqantapis manakaqmanmi churan.*

5 Nirkur fiyupa rabyashpanmi olqüpan.

Pasaypa mantsakätsirmi kayno nin:

6 “Akrashqä runatami churashqä rey kananpaq.

Paymi *Sión *sagrädu jirkancho mandaq kaykan”.

7 Tayta Diosmi kayno nimashqa:

“Qamqa tsurïmi kanki.

Kanan junaqpitaqa taytaykinami kaykä.*

8 Manakamaptikiqa lapan nacionkuna herenciayki kananpaqmi qoykushayki.

Kay patsatapis qampa kananpaqmi juk kuchupita jukaq kuchunyaq qoykushayki.

9 Fiërru väraykiwanmi nacionkunata vincir ushakätsinkipaq.*

Mitu mankata shaluriqnömi paykunata asulankipaq”.

10 Nacionkunapa mandaqnin reykuna, lapayki shumaq tantiyakäriy.

Kay patsacho mandaqkuna, kay nishqäta shumaq chaskikäriy.

11 Tayta Diosta *mantsakur payta sirvipäkuy.

Mantsakuypa adorapäkuy.

12 Diospa tsurinta respitar qonqurpakäriy.

Mana respitaptikiqa jinan höra rabyakushpanmi wanutsishunkipaq.

¡Payman yärakuqkunaqa kushishqami kawanqa!