Salmos

14 (1b) Mana tantiyakuq runakunaqa kayno nirmi shonquncho yarpapäkun: “Dios manami kantsu”.

Paykunaqa lutanta rurananpaqmi yarpachakärin.

Rurashqankunapis pasaypa melanaypaqmi kaykan.

Paykuna mayqanpis manami alitaqa rurapäkuntsu.*

 2 TAYTA DIOSQA jana patsapitami runakunata rikaykämun.

Paymi ashiykan pilatapis tantiyakuqta.

Tsaynölami ashiykan pilatapis payta *ashiqta.

 3 Tsayno kaykaptinpis lapan runakunami jutsata rurar kawarkaykan.

Lapanpis lutankunatami rurarkaykan.

Pipis manami kantsu alita ruraqqa.

Ni juklaylapis manami kantsu.*

 4 Fiyu runakunaqa manami imaypis tantiyakärintsu.

Paykunaqa tantata mikuqnömi TAYTA DIOS kuyashqan runakunata ushakätsin.

TAYTA DIOSTA manami imaypis manakärintsu.

 5 Tsayno kaptinpis cäsukuqkunawanmi Tayta Dios kaykan.

Tsayta rikarmi fiyu runakuna siksikyayparaq mantsakärinqa.

 6 Paykunaqa waktsa runakuna yarpashqanman tsapatami churapan.

TAYTA DIOSMI itsanqa waktsa runakunata yanapan.

 7 ¡Alimi kanman *Siónpita patsa Israel runakunata TAYTA DIOS salvaptin!

Salvaptinmi Jacobpita miraq Israel runakuna pasaypa kushikärinqa.