18. Diosta sirvinayquipa awnicuy y bautizacuy

1 BAUTISMUGA ALAPA IMPORTANTIMI

“Caycho yacu caycan. ¿Imataj bautizacunäpäga pishin?” (Hechos 8:36).

¿Imanirtaj bautizacushwan y imanotaj rurashwan?

Bautizacuptinchega musyacanmi lapan mana ali cajcunata jaguipäcushganchita y Diospa voluntaninta rurarna galaycunchi.

• Mateo 28:19, 20

  Jehovata sirvinapäga bautizacushwami.

• Salmo 40:8

  Diosta sirviyta munanganchega musyacan bautizacuptinchirämi.

• Mateo 3:16

  Pilapis bautizacuptinga, lapan cuerpunmi yacuman yaycunman, Jesús bautizacushganno.

2 ¿SASACHURAJ JEHOVATA SIRVIYGA?

“Tayta Diosta cuyajcunaga mandamintuncunatami wiyacun. Mandamintuncunacho niycashanta cumliyga manami sasachu” (1 Juan 5:3).

Jehovata sirvinapa awnicuytaga, ¿imanirtaj manchacushwanchu?

• Salmo 103:14; Isaías 41:10

  Juchayoj caycarpis Jehovata sirvinapa awnicuytaga puedinchimi. Payshi imaypis yanapamashun ali cajta ruranapaj.

• Colosenses 1:10

  Juchalacuymanga ama yarparäshunchu, porque Jehovata alapa cuyanganchimi yanapamashun pay munashgannola cawanapaj.

3 ¿IMATARAJ RURASHWAN MANARAJ BAUTIZACURGA?

“Tayta Dios, gam munashayquita rurarmi cushicö. Layniquicunatapis llapantami yarparaycä” (Salmo 40:8).

¿Imatataj rurashwan bautizacunapäga?

• Juan 17:3

  DIOSPA PALABRANPITA YACHACUSHUN

  Jehová y Jesuspita yachacunanchi. Paycunapita shumaj yachacurga, masmi cuyashun.

• Hebreos 11:6

  YARACUSHUN

  Caycunaman yaracunanchi: Diospa promesancunaga cumplicangami y Jesuspa wanuyninga juchapita y wanuypitami libramanchi.

• Hechos 3:19

  ARREPENTICUSHUN

  Unaycho mana ali cajcunata rurashganchipita shungupita arrepenticunanchi.

  DIOS MUNASHGANNOLAMI CAWASHWAN

  Mana ali cajcunataga juclami jaguirinanchi y ali cajcunalatanami rurashwan.

• 1 Pedro 4:2

  DIOSTA SIRVINAPA AWNISHUN

  Jehovata sirvinapa awnicunchi juc oraciunchomi. Chay oraciunchomi Jehovata awninchi paylata aduranapaj y cawayninchicho paylata imaypis cäsucur cawananchïpa.