12 CAJ YACHACUY

Cuyapaylapa parlashwan

1 Tesalonicenses 2:7, 8

ICHIC YACHACUY: Shongupita cuyacuywan parlay y wiyaycajcunaman yarpachacushgayquita ricächicuy.

Wiyaycajcunaman yarpachacuy. Preparacushgayqui horacho yarpachacuy imacunapa pasaycashganta y imano sienticushgantapis.
Shumaj yarpachacuy imataj ninayquipaj. Parlashgayquiwan shacyächinquiman, shoganquiman y yanapanquimanpis. Pajta nishgayquiwan pilatapis rabianächinquiman. Jehovata mana sirvejcunata ama pengachiychu y creenciancunapitapis mana alita ama parlaychu.
Cuyapaylapa parlay. Shumajla parlanayqui vozniquicho, maquiquita cuyuchiptiqui y gajlayquichopis ricacänanpaj paycunaman yarpachacushgayquita. Chaypäga imaypis shacya shacyala parlanayqui.

Pero pajta gaparayparaj o fuertiparaj parlanquiman, chayta rurarga wiyaycajcunata manchachinquimanpis. Bibliata leirga chaycho niycashganno sentimientuwan leinayqui. Shongupita leiptiquega vozniqui ali wiyacanga, y wiyaycajcunapis atentula caycanga.