Locu Tamya kangan wichan, ¿pïkunataj Diosta wiyakuyargan?

Noëpa tiemponchö runakunaga mana alikunalatam rurayaj (Génesis 6:5)

Adanpawan Ëvapa wamrankunaga yurirmi galaykuyargan, y ichik tiempolachönam más runakuna mirayargan. Chaypitanam Satanasnöla wakin algelkunapis Jehoväpa contran churakäriyargan.

Paykunaga ciëlopita uräramurmi runaman tikrariyargan warmikunawan casakuyta munar. Wamrankunami mana alikunata ruraj y aläpa fuerzayoj kayargan.

Aläpa mana ali runakunawanmi kay Patsa juntarirgan. Bibliam wilakun mana ali rurayninkuna Patsachö junta kaykanganta, y mana alikunalaman imaypis yarpachakuykäyanganta.

Diosta wiyakurmi Noëga juk arcata sharkachirgan (Génesis 6:13, 14, 18, 19, 22)

Noëga juk ali runam kargan. Jehovämi nirgan juk Locu Tamyawan lapan mana ali runakunata ushakächinampaj kajta.

Guerukunapita jatunkaray cäjata sharkachinampajmi nirgan, chaytam ninchi Noëpa arcan. Chaymanmi familianta y lapan clase animalkunata yaykachirgan.

Noëga runakunata wilaparganmi juk locu tamya kanampaj kajta, pero paykunaga manam wiyakuyarganchu. Wakinkunam asikuyargan, y wakinkunanam rabiakuyargan.

Arca listo kaykaptinnam, animalkunata chayman Noé gaykurirgan.