1 CAJ YACHACUY

Shumaj parlacuyta galaycushwan

Hechos 17:22

ICHIC YACHACUY: Runacuna imacunapita wiyayta munashganpita parlayta galaycuy. Wilacamuy imapita yachachicunayquipaj cajta y imanir chaycuna alapa ali cashganta.

IMANOTAJ RURASHWAN

Munashganpita parlapay. Imacuna pasashganpita, noticiacunapita, juc tapucuypita o imapita wiyayta munashganpita parlacuriy.

Yarpachacuy runacuna imacunapaj yarpachacushganta y imacunapita parlayta munashganpitapis, nircur chaypita shumaj yachachicuy.
Imapita parlanayquipaj claro niriy. Puntalapitana wilacuy imapita yachachicunayquipaj cajta, y imanir chayga alapa ali cashganta paycunapaj.
Wilacamuy yachachicushgayqui imanir ali cashganta. Runacuna ima necesitashganpita o imacunapa pasaycashganpita parlaptiquega, cuentata gocärenga yachachicushgayqui imano yanapananpaj cajta.

Juc discursuta preparacuycaptiqui, yarpachacuy congregaciunniquicho hermanucuna imacunapa pasaycashganta. Nircur chayta cuentaman churar yarpachacuy imata yachachicunayquipaj.