18 CAJ YACHACUY

Yachachicushwan wiyaycajcuna yarparänanpaj

1 Corintios 9:19-23

ICHIC YACHACUY: Nishgayquiwan wiyaycajcunata yarpacachachiy. Yanapay tantiarcunanpaj yachacushgancuna ali cashganta.

Imacunata musyaycashganta yarparcuy. Juc temapita achca cutina wiyashga carpis, chaylata yapay mana ninayquipaj calpachacuy jucnopana tantiachinayquipaj. Chaynopa wiyaycajcuna cuentata gocunga mushoj yachachicuyta yachacushganta.

Cuentaman churay wiyaycajcuna imacunata musyaycashgantana. Yachachicushgayquega mushoj yachachicuy cashganno canman.
Shumaj yachacuy y yarpachacuy. Alichi canman chaylaraj ima pasashganpita o manaraj musyashgancunapitapis parlanayquipaj alinnin caj yachachicuycunata shumaj tantiachinayquipaj. Yarpachacuy ima nishgayquicuna imano yanapanman.

Preparacuycaptiqui cay tapucuycunata ruracunayqui: ¿ima?, ¿imanir?, ¿imay?, ¿maycho?, ¿pitaj? y ¿imano? Alichi canman yachachicushgayqui horacho cay tapucuycunapita mayganlatapis ruranayquipaj y nircur contestanayquipäpis.
Wiyashgancunata imano cäsucunanpaj niriy. Wilapay Bibliapa consejuncuna junaj junaj cawaynincho imano yanapanman. Canan wichan imacuna pasaycashganman, runacuna imacunata rurashganman yarparcur chaycunapita yachachicuy.