Laquiparmi yanaparcushun

¿Imatataj Jesús rurargan?

VIDEO: Jesusga laquiparganmi achca runacunata

1. Ricänapaj caycan juc VIDEO o Marcos 6:30-34 textutapis leiriy. Nircur yachacuy cay tapucuycunapita:

1. ¿Imanirtaj Jesusga gatejnincunawan “chunyajnin partiman” aywacäriyta munapäcurgan?

2. ¿Imaraj Jesuspa shongunta cuyuycachish chay achca runacunata yachachinanpaj?

¿Imatataj yachacunchi Jesús rurashganpita?

2. Laquipäcoj runa carga listumi caycäshun pitapis yanaparcunapaj, chayno captinchirämi Diospitapis ichanga masraj yachacäriyta munapäcunga.

Jesús rurashganno rurashun

3. Wiyapänanchimi. Parlapämashganchi horaga manachi imacunamanpis yarpar caycashwanchu, respetulawanmi pitapis wiyapänanchi. Chayta ruraptinchega cuentatami gocärenga imanolapapis yanapänapaj listo caycashganchita.

4. Paycunapaj yarpachacushun. Parlapacushganchiman yarpar cayno tapucushwan:

1. “¿Imanirtaj rasunpa cajpita yachacunman?”.

2. “¿Imanoraj cawaynin aliyarcunman Bibliapita yachacur galaycuptin?”.

5. Más publicaciuntapis ashiy yanapänanpaj. Galananlacho nishwan ‘mana jaguiylapa Bibliata estudiaptiquega caway vidayquicho yanapäshunquimi’ nir.