ALI YACHACHICOJ CASHUN | ¿IMATATAJ RURANQUIMAN PREDICAYTA MÁS GUSTASHUNAYQUIPAJ?
Yachachiycashgayquita yanapay Jehovawan amigo cananpaj
Jehová munan payta cuyashganchiraycur sirvinanchita (Mt 22:37, 38). Bibliapita yachacuycajcunaga Jehovata cuyashpanmi calpachacunga cawaynincho cambiucunata rurananpaj y ima pruebacunatapis vencinanpaj, jina bautizacuytapis munangami (1Jn 5:3).
Yachacojcunata tantiachiy Jehová paycunata cuyashganta. Chaypäga caycunata tapupay “¿Cayga imatataj yachachishunqui Jehová imano cashganpita?” o “¿Imanotaj cayga ricächishunqui Jehová cuyashushgayquita?”. Ricächiy imano Jehová cawaynincunacho yanapaycashganta (2Cr 16:9). Mañacushgayqui imano Jehová contestashushgayquita wilapay y yanapay cuentata gocärinanpaj paycunapis mañacuptin imano Jehová contestaycashganta. ¡Amatar cushicunquimi yachachiycashgayqui Jehovata cuyashganpita y amigun cashganpitapis!
CAY VIDEUTA RICÄRIY: YACHACOJCUNATA YANAPAY JEHOVAWAN AMIGO CANANPAJ. NIRCUR CAY TAPUCUYCUNAPITA PARLACAMUY:
¿Ima pruebapätaj Coral pasargan?
¿Imataj Rita nergan Coralta yanapänanpaj?
¿Imataj Coral rurargan chay pruebata vencinanpaj?