¿Imataj ruranquiman Jesús wanushgan yanapäshunayquipaj?
Wata wata may chaycho Jehovapa testiguncuna y aypala runacunapis juntacanchi Jesús nishgannola wanuyninta yarpapäcunapaj (Lucas 22:19). Chay reuniunga tantiachimanchi Jesús wanushgan junaj mana gonganapaj junaj cashganta. Jina yachacunchi imanotaj canan y shamoj tiempuchopis yanapämanchi noganchiraycur wanushgan (Juan 3:16).
Jesuspa wanuyninta yarpänapaj reuniunman aywashga carpis o manapis, ¿imataj ruranquiman Jesús wanushgan yanapäshunayquipaj? Quiquin Jesús caycunata ruranapaj yachachicurgan:
1. Diospita y Jesuspita yachacuy. Taytanta juc cuticho mañacushganchomi Jesús cayno nergan: “Mana ushakaq kawayta tariqkunaqa qamtami reqipäkushunki. Tsaynölami noqatapis reqipäkaman. Tsaynöpami tantiyakärin japalayki Dios kashqaykita y noqata kachamashqaykita” (Juan 17:3, TDW).
2. Bibliapita yachacushgayquinola caway. Jesusga cutin cutin yarpächicoj Diospita yachacushganchinola cawanapaj. Sermón del Monte nishgancho yachachicurmi cushi cushila parlamurgan casucojcunapita (Lucas 6:46-48) Juc cutichopis nergan cayno: “Kay nishqäkunata tantiyar cumplirqa kushishqami kawapäkunki” (Juan 13:17, TDW).
¿Diospitawan Jesuspita maslata yachacuyta munanquimanchuraj? Bibliapita yachacushgayquinola cawacunayquipaj ¿imataraj ruranquiman? Alichi canman caycunata ruraptiquega.
Bibliapita yachacuy
Bibliapita yachachicushganchega achca watapana runacunapa cawayninta aliyächish.
Paginanchicho “Bibliapita shumaj yachacurcunayquipaj” nishgan cajman yaycuriy.
Jehovapa testiguncuna imano Bibliapita yachachicushganta musyanayquipaj, cay videuta ricäriy: Cushicuy Bibliapita yachacunayquipaj.
Reuniunninchicunaman shamuy
Jehovapa testiguncunaga semanacho ishcay cuti juntacanchi Salón del Reino nishgancho. Chay reuniuncunachoga Bibliapitami yachacunchi y yachacushganchinolami cawacunchipis.
Pï maypis shacäramunmanmi, manami Jehovapa testigunrächu canayqui. Jinan Salonman shamuyta mana puedirpis, internetlapapis conectacunquimanmi.
¿Imanötaj congregakäyä? nishgan videuta ricäriy musyanayquipaj imatataj ruranchi reuniunninchicho caycar.
Tiyashgayqui marcacho más cercala reuniuncunata tarinayquipäga, cayman yaycuriy: “Jehovapa testiguncunapa congregaciunnincho reuniunnincuna”.
Yachachicuycunapis videucunapis paginanchicho caycan
Paginanchichoga Jesús yachachicamushganpita y imanir wanushganpitapis imayca caycan yachacunayquipaj, chaycunaga masraj yarpachacächishunqui.
Yachacunayquipaj caycan imanotaj Jesús wanushganraycurla pï may runacuna salvaciunta taripäcun, jina leinayquipaj canga “¿De qué manera nos salva Jesús?” y “¿Por qué sufrió y murió Jesús?”, o cay videutapis ricärinquimanmi: ¿Imanirtaj Jesús wanurgan?