Rasunpa cristianucunaga imatapis cuyacuywan ruranapaj calpachacun. Cuyacoj carga mana alicunawan cushicunchu (1Co 13:4, 6). Chaymi televisiuncho o radiuchopis pelianacuy, chiquinacuy y jucha ruraytapis ricanchichu ni wiyanchichu. Jina chiquimajninchi desgraciacunapa pasaptinpis cushicunchichu, mana ali tratamashgapis (Pr 17:5).

CAY VIDEUTA RICÄRIY: AMA GONGAYCHU: CUYACOJ RUNAGA MANA ALICUNAWAN CUSHICUNCHU. NIRCUR CAY TAPUCUYCUNAPITA PARLACAMUY:

• ¿Imanotaj David sienticurgan Saúl Jonatanwan wanushganpita musyarir?

• ¿Ima canciuntaj David escribergan Saúl Jonatanwan wanushganpita?

• ¿Imanirtaj David cushicurganchu Saúl wanushganpita?

Rasunpa cuyacoj carga hermanunchicuna ali rurananpaj cajtami shuyarcushun (1Co 13:4, 7). Pilapis juchata ruraptin, nircur corrigishga captenga yäracunchimi cambiucunata rurananpaj. Pishilaraj yäracojcunawan pacienciacunchi y calpachacunchi paycunata yanapanapaj (Ro 15:1). Pilapis congregaciunpita carucäcuptin, shuyaraycanchi imaylapis congregaciunman yapay cutimunanpaj cajta (Lu 15:17, 18).

CAY VIDEUTA RICÄRIY: AMA GONGAYCHU: CUYACOJ RUNAGA IMAYPIS SHUYARANMI. NIRCUR CAY TAPUCUYCUNAPITA PARLACAMUY:

• ¿Imanirtaj Abner cambiargan?

• Abner mañacushganta, ¿imanotaj David y Joab ricargan?

• ¿Imanirtaj hermanunchicunapita ali cajta shuyarashwan?