Vozninchi shumaj wiyacanman

Proverbios 8:4, 7

ICHIC YACHACUY: Öraga laquishgapis o cushishgapis leinquiman wiyajcunapa shongunman chayanayquipaj. Jina fuertipa o despaciulapis parlanayqui y vozniquitapis cambianayqui.

IMANOTAJ RURASHWAN

• Fuertipa o despaciupis parlay. Vozniquita ichic jogarcur yachachishgayqui cajta shumaj tantiarcachiy wiyaycajcuna yachacushganman yarparänanpaj. Chaynola ruray Jehová pitapis anyapaycashganta leir. Pero manchacashgano o laquishgano mayacänanpaj y imacuna pasananpaj cajcunataga, despaciula parlay.

• Vozniquita trucachiy. Llanu vozniquiwan parlacamuy cushishga caycashgayquita ricacämunanpaj, imapis alapa jatun o tacsha, carucho o cercalacho caycashganta wiyacänanpaj. Pero laquishgano o yarpachacushgano mayacänanpaj racu vozniquiwan parlacamuy.

• Rasla o despaciupis parlacamuy. Imatapis cushishga wilacuyta munarga rasla parlacamuy. Pero importante caj yachachicuycunataga despaciula parlamuy.