¿Bibliapa maygan wilacuynincunataj cumplicaycan canan wichan?

“Intëru munducho juc nasyunwan juc nasyun pillyanga. [...] Chaycunaga canga gueshyaj warmita nanay charejno gallarinallanrämi”.

(Mateo 24:7, 8)

‘Achcajmi lula profëtacuna yurimongapaj. Achcajtami lulapaypa engañangapaj. Fiyu cajcuna intërupa miraptinmi runacunaga manana cuyanacongapänapischu’.

(Mateo 24:11, 12)

“May-chay nasyuncunachöpis guërra captin, guërra cananpaj cajta wiyarpis ama mancharinquicunachu. Primëruga chaycunallarämi cangapaj. Chayno captinpis cay pachaga manarämi ushacangarächu”.

(Marcos 13:7)

“May chaychrüpis fiyupa terremötu canga, muchruy canga y gueshyacunapis canga. Chaynuypis cieluchru ricacämunga manchariypag imaycacunapis”.

(Lucas 21:11, Ambo-Pasco)

‘Jesucristo cutimunanpaj walcana pishiptin fiyupa sasa goyaymi cangapaj. Chay wichan runacunaga cangapaj quiquilanpaj imatapis yarpaj, guellaylapaj wañoj, manacajcunapita ali-tucoj, Tayta Diospa contran rimaj, mamanta taytanta mana wiyacoj, mana agradësicoj, Tayta Diosninchïpa palabrantapis manacajman churaj, mana cuyacoj mana cuyapäcoj, pitapis ali-tupayta munaj, washa rima, fiyu, ali goyajcunapa contran, amïguncunata contranman entregaj, mana yarpachacuypa imatapis ruraj, ali-tucoj, olgoj, Tayta Dios munashganta rurananpa ruquenga shongun munashgalanta ruraj. Runacuna ricanalanpämi Tayta Diosninchïman yäracoj-tuconga. Imanöpis cawashganmi ichanga mana Tayta Diosninchi munashgannöchu canga. Chayno runacunapitaga witicuy’.

(2 Timoteo 3:1-5)