¿Imatataj Biblia awnicun shamoj tiempupaj?

“Alli runacunami ichanga alli pachacho tiyanga. Chayllachömi imaycamapis goyäconga”.

(Salmo 37:29)

“Cay pachatapis tacyachishcanqui jamananpita mana cuyoj cananpaj”.

(Salmo 104:5)

“Imaypis manana wañuy cananpämi TAYTA DIOSGA wañuyta ushacächenga. Wagajcunatapis shogashpan weguinta pichapangami”.

(Isaías 25:8)

“Chauraga gapracunapis ricanganami. Upacunapis allinami wiyanga. Wegrucunapis capshinörämi pinticachangapaj. Mana rimaj upacunapis shimin pashtaptin gayarayparämi rimanga. Chunyaj jircachönami yacu pashtacaramonga pultutuyllana. Chaqui jircapanami mayunöraj yacu aywanga”.

(Isaías 35:5, 6)

“Wagay manami canganachu. Wañuy manami canganachu. Nanächicuypis, llaquicuypis manami canganachu. Unay caj cawaycunaga llapannami ushacanga”.

(Apocalipsis 21:4)

‘Runacunaga wasinta arurcachir chaychömi tiyanga. Übasta plantar wayuynintapis micongami. Wasitapis aronga quiquinpämi, manami juc runa tiyananpänachu. Übastapis manami plantangachu wayuyninta juc runa micunalanpäga. Guerucuna unaycama mana chaquishgannömi acrashgä runacunapis unaycama cawanga’.

(Isaías 65:21, 22)