Kʼutunem 12

Nim chqila ri kʼaslemal xuqujeʼ ri kikʼel

¿Su kqabʼan che urilik ri kʼaslemal? (1) ¿E ri tzaqan alanik (aborto)? (1)

¿Su kkebʼan ri cristianos che ukʼutik che kkechajej ri kʼaslemal? (2)

¿La utz che kekamsax ri täq chiköp? (3)

¿Su täq kkebʼan ri winaq che kukʼutu che nim täj kekil ri kʼaslemal? (4)

¿Su kubʼij ri utaqonik ri Ajawaxel puwiʼ ri kikʼel? (5)

¿Su kubʼij ri utaqonik ri Ajawaxel chirij rukojik kikʼel? (6)

1. Ri Jehová are ri ajyaʼol kʼaslemal. Ronojel täq winaq e kʼaslik rumal ri Ajawaxel (Salmo 36:9). Ri Ajawaxel nim kril ri kʼaslemal. Xuqujeʼ ri Jehová nim kril ukʼaslemal jun akʼal che majaʼ kalaxek. Chuwäch ri Ajawaxel, utz täj che kkamsax jun akʼal rumal che kekaj täj che kalaxek (Salmo 127:3).

2. Ri qastzij täq cristianos kkechajej kibʼ rech kkeriq ta kʼäx. Kkilo che ri kachoch xuqujeʼ kichʼichʼ (carro) keʼuya ta pa kʼäx nikʼaj chik winaq (Deuteronomio 22:8). Ri ajpatanel rech ri Ajawaxel kkeya ta kikʼaslemal pa kʼäx umak etzʼanem. Rumal waʼ che kkebʼan ta etzʼanem che xa chʼoj kel wi. Chiʼ jamal kiwäch, kʼot su täq kkebʼano che xiw kuyik chʼoj (Salmo 11:5; Juan 13:35).

3. Ri Ajawaxel, nim kril wi ri kikʼaslemal ri täq chiköp. Jun cristiano kkunik keʼukamsaj jaljoj uwäch täq chiköp rech keʼutijo, rech kukoj che retzʼyaq o rech kuchajej ribʼ chike xuqujeʼ rech kukoj che ukunabʼal (Génesis 3:21; 9:3; Éxodo 21:28). Rumal waʼ che utz täj che kqabʼan kʼäx chike ri täq chiköp o kekamsaxik xiw rumal etzʼanem (Proverbios 12:10).

4. Utijawik sikʼ, ukojik drogas, usiqik pegamento, ronojel wariʼ kech ta ri cristianos. We bʼantajik riʼ e utz täj rumal che 1) keʼuxim ri winaq, 2) kubʼan kʼäx chike xuqujeʼ 3) e sibʼalaj tzʼil (Romanos 6:19; 12:1; 2 Corintios 7:1). Kʼäx uyaʼik kan we täq bʼantajik riʼ, we qastzij kqaj kqakikotemaj ri Jehová are rajawaxik che kqaya kan ubʼanik wariʼ.

5. Ri Ajawaxel nim kril ri kikʼel. Ri Ajawaxel kubʼij che ri animaʼ o ri kʼaslemal kʼo pa ri kikʼ. Rumal waʼ che utz täj che ktijow ri kikʼ. Xuqujeʼ ktijow ta utiʼ jun chiköp che esam ta ukikʼel. Utz täj ktijow jun chiköp che xa yuqum uqul. Xuqujeʼ jun chiköp che kamsan rukʼ ul (honda) o qʼaqʼ, rajawaxik che chanim kesax rukikʼel rech katkunik katijo (Génesis 9:3, 4; Levítico 17:13, 14; Hechos 15:28, 29).

6. ¿La utz che kqayaʼo che kok kikʼel chaqe? Masach pa jolom che ri Jehová kuta chaqe che kqabʼan täj. Wariʼ kraj kubʼij che kojkun täj kqakoj ukikʼel jun chik winaq pa qabʼaqil, xuqujeʼ kojkun täj kqakoj qakikʼel pa qabʼaqil we esam chik tekʼuriʼ xäq kʼolom (Hechos 21:25). Rukʼ waʼ qetaʼm che ri qastzij täq cristianos kkekoj ta kikʼ. Xiw kkekʼam nikʼaj chik täq kunabʼal che kʼot kikʼ rukʼ. Kekaj kekʼaseʼik, tekʼuriʼ xa ta rumal wariʼ che kemakun chuwäch ri Ajawaxel (Mateo 16:25).

[Täq wachbʼäl pa ri 25 uxaq wuj]

Rech kqakikotemaj ri Ajawaxel, rajawaxik che kqaxutuj ri ukojik kikʼel, ri itzel täq bʼantajik xuqujeʼ ri uretzʼbʼexik qakʼaslemal