Carta re ri Cuerpo Gobernante

«Taqal chi chiwe we ta kixok che ajtijabʼ» (Heb. 5:12). ¡Chachomaj! Jehová ri utzalaj ajtij pa uwiʼ ri kajulew, kojusikʼij rech kqakʼut chkiwach nikʼaj chik chrij areʼ. Ukʼutik ri qastzij chrij Jehová —pa ri familia, pa ri congregación o pa ri ministerio— are jun nimalaj privilegio xuqujeʼ jun nimalaj chak. Are kʼu ¿jas kqabʼano rech kojux más utz taq ajtijabʼ?

Ri respuesta kqariq pa ri tzij che xutzʼibʼaj ri apóstol Pablo che Timoteo: «Chasikʼij ri Tzʼibʼatalik chkiwach ri winaq, cheʼapixbʼej xuqujeʼ cheʼatijoj ri winaq». Tekʼuriʼ xubʼij: «We kabʼan kʼu waʼ, kakol na awibʼ, xuqujeʼ keʼakol ri katkitatabʼej» (1 Tim. 4:13, 16). Ri tzij che kqatzijoj kukol kʼaslemal. Rumal laʼ sibʼalaj rajawaxik che qas utz kqabʼan che usikʼixik uwach ri wuj xuqujeʼ kojux utz taq ajtijabʼ. Ri wuj riʼ bʼanom rech katutoʼ che ubʼanik. Chqilaʼ jujun che ri ubʼantajik wajun wuj riʼ:

Citas re ri Biblia, che e kʼo pixabʼ o e kʼutbʼal chupam che kʼo ubʼanik rukʼ ri kʼutunem.

Jehová are ri Nimalaj Ajtij (Is. 30:20). Rukʼ wajun wuj riʼ, at katkunik kabʼan más utz che usikʼixik ri e wuj xuqujeʼ ri atijonik, are kʼu masach chawe che ri tijonik petinaq rukʼ Jehová xuqujeʼ areʼ kekʼamow lo ri winaq pa ri utinamit (Juan 6:44). Rumal laʼ amaqʼel chataʼ ri uxlabʼixel. Chakojoʼ ri Utzij ri Dios are chiʼ kuya kakojo. Chabʼanaʼ che are kyaʼ uqʼij ri Jehová, are ta at. Chakojoʼ achuqʼabʼ rech ri kattatabʼenik kkiloqʼoqʼej más ri Jehová.

Dios xatusikʼij rech katzijoj ri tzij che más nim na ubʼanik che ktzijox pa ri uwach Ulew. Qas qetaʼm che, we at kakubʼsaj akʼuʼx chrij ri «kuʼinem ri kuya ri Dios» katkunik kabʼano (1 Ped. 4:11).

Ri e awachiʼl pa wajun chak riʼ re tijonik,

Jupuq Ajkʼamal bʼe cho ronojel uwach Ulew kech ri Testigos rech Jehová