Ri Utzij ri Dios utz che tijonik
1. ¿Jas ubʼiʼ ri nim riqbʼal ibʼ rech kebʼ qʼij re ri junabʼ 2014, xuqujeʼ jas preguntas kyaʼ ubʼixik chirij?
1 Ri Jehová are ri utzalaj Ajtij puwiʼ ri kajulew (Is. 30:20, 21). Ri areʼ kukoj jun wuj rech kuya ri utijonik chaqe che junam ta rukʼ ri nikʼaj wuj chik: ri Loqʼalaj Pixabʼ, ri Utzij che xtzʼibʼax rukʼ ri utobʼanik ri uxlabʼixel. ¿Jas kubʼan ri utijonik ri Dios che qatoʼik rech utz ri qabʼaqil, ri qachomanik, rech kʼo jororibʼal pa qanimaʼ xuqujeʼ rech utz ri qajokonik? Kyaʼ ubʼixik chirij wajun pregunta riʼ pa ri nim riqbʼal ibʼ re kebʼ qʼij rech ri junabʼ 2014, ri ubʼiʼ —esam pa 2 Timoteo 3:16— «Ri Utzij ri Dios utz che tijonik».
2. ¿Jas pregutas kojutoʼ rech kqariq ri nim kibʼanik che kyaʼ ubʼixik pa ri nim riqbʼal ibʼ?
2 Ri nim kibʼanik che kyaʼ ubʼixik pa ri nim riqbʼal ibʼ. Ri preguntas che kʼo waral kojutoʼ rech kqariq ri nim kibʼanik che kyaʼ ubʼixik.
• ¿Jas tobʼanik kuya ri utijonik ri Dios pa qakʼaslemal? (Is. 48:17, 18.)
• We kqakʼex ri qakʼaslemal rech kqakoj kʼi horas che upatanixik ri Jehová, ¿jas kuya ri Jehová chaqe? (Mal. 3:10.)
• ¿Jas kqabʼan che rilik ri «juleʼ taq tijonik» chi wi? (Heb. 13:9.)
• ¿Jas kqabʼan oj che ri qatijonik rech kubʼan junam rukʼ ri «utijonik» ri Jesús? (Mat. 7:28, 29.)
• ¿Jasche ri kkiya tijonik pa ri congregación rajawaxik kkitijoj kibʼ e areʼ? (Rom. 2:21.)
• ¿Jas upatan ri Utzij ri Dios? (2 Tim. 3:16.)
• Chiʼ ri nimaʼq taq tinamit «kebʼeyikop» rumal ri Dios, ¿jas kubʼan chike ri winaq? (Ageo 2:6, 7.)
• ¿Jas retaʼm ri Jehová che kojkunik kqabʼano? (Efes. 5:1.)
• ¿Jasche rajawaxik kqakoj qachuqʼabʼ rech kojkʼojiʼ pa ri utijonik ri Jehová? (Luc. 13:24.)
3. ¿Jasche rajawaxik che kqatatabʼej ronojel ri chʼabʼal re ri nim riqbʼal ibʼ?
3 Ri versículos che kʼo nabʼe chuwach ri esam wi ri ubʼiʼ ri nim riqbʼal ibʼ, kchʼaw chirij ri kʼisbʼal taq qʼij. Chirij ri kʼaxalaj taq qʼij riʼ, ri Pablo xutzʼibʼaj: «E are kʼu ri e itzel taq winaq, ri e subʼunelabʼ, kenimataj na, kakitaqej na subʼunik, e subʼutajinaq kʼut» (2 Tim. 3:13). We kqaj taj ksach ri qachomanik rajawaxik kqatatabʼej ri kubʼij ri Dios chaqe xuqujeʼ kqabʼan pa qakʼaslemal ri kukʼut chqawach. Rumal laʼ, chqakojoʼ qachuqʼabʼ rech kqatatabʼej ronojel ri chʼabʼal re ri nim riqbʼal ibʼ.