Ri Utzij ri Dios kʼo ukunem
1. ¿Jas ri ubʼiʼ ri nim riqbʼal ibʼ rech jun qʼij re 2014?
1 Ri winaq che ajmakibʼ kʼo ta jun wuj kibʼanom che kʼo nim uchuqʼabʼ junam rukʼ ri Utzij ri Dios. ¿Jasche? Rumal che wajun wuj riʼ ukʼexom ri kichomanik ri winaq xuqujeʼ keʼutoʼ rech kkibʼan ri kraj ri Dios. Tekʼuriʼ ¿Jampaʼ uchuqʼabʼ ri Utzij ri Dios kʼolik? ¿Jas kqabʼano rech kuya ri utobʼanik chaqe? ¿Jas kqabʼano rech kojkunik kqakojo chiʼ kqatoʼ nikʼaj chi winaq? Ri preguntas riʼ kyaʼ ubʼixik chirij pa ri nim riqbʼal ibʼ rech jun qʼij rech ri junabʼ 2014. Ri ubʼiʼ ri jun nim riqbʼal ibʼ che sibʼalaj kuya qachuqʼabʼ are «Ri Utzij ri Dios kʼo ukunem» che esam pa Hebreos 4:12.
2. ¿Jas preguntas kyaʼ ubʼixik chirij pa ri nim riqbʼal ibʼ?
2 Preguntas che nimaʼq kibʼanik. Chiʼ katatabʼej ri kyaʼ ubʼixik, chatzʼibʼaj ri kyaʼ ubʼixik chirij ri preguntas che kʼo waral.
• ¿Jasche rajawaxik kqakubʼsaj qakʼuʼx chirij ri Utzij ri Jehová? (Sal. 29:4.)
• ¿Jas kqabʼano rech kchakun pa qakʼaslemal ri uchuqʼabʼ ri Utzij ri Dios? (Sal. 34:8.)
• ¿Jas kqabʼan che ukojik ukunem ri Utzij ri Dios chiʼ kqatzijoj ri utzalaj taq tzij? (2 Tim. 3:16, 17.)
• ¿Jas kqabʼano rech kojqaj ta pa uqʼabʼ ri Satanás? (1 Juan 5:19.)
• Ala ali, ¿jas katutoʼ rech utz kariq pa akojonik? (Jer. 17:7.)
• ¿Jas kuya qachuqabʼ chiʼ kqanaʼo che kʼo ta qachuqʼabʼ? (2 Cor. 12:10.)
• ¿Jas kojutoʼ rech kqaya ta kan ukʼexik ri qanojibʼal pa neʼ kqariq kʼax che resaxik ri bʼantajik che kʼo pa qanimaʼ? (Efes. 4:23.)
3. Utz kqatatabʼej ri kyaʼ ubʼixik tekʼuriʼ, ¿jas nikʼaj chik jastaq utz kqabʼan pa ri nim riqbʼal ibʼ?
3 Qastzij wi, utaʼik ri chʼabʼal kuya kʼi utzilal chaqe. Xuqujeʼ, pa ri nim riqbʼal ibʼ re jun qʼij —rech kebʼ qʼij xuqujeʼ rech oxibʼ qʼij— kojkunik kqetaʼmaj kiwach qachalal rech nikʼaj chik congregación xuqujeʼ kojkikot rukʼ ri qachilanik (Sal. 133:1-3; 2 Cor. 6:11-13). Rumal laʼ chqatasaʼ qatiempo rech kojtzijon kukʼ ri ojer qachiʼl xuqujeʼ kqetaʼmaj kiwach nikʼaj chik. We pa ri nim riqbʼal ibʼ kopan jun qachalal che qasolixik weneʼ ri ajsolinel rech distrito o jun betelita, utz che kojtzijon rukʼ xuqujeʼ rukʼ ri rixoqil. Rukʼ kikotemal kqeyej ri nim riqbʼal ibʼ re jun qʼij che petinaq.