Chqakojoʼ qachuqʼabʼ rech kqamaj kitijoxik ri winaq chirij ri Loqʼalaj Pixabʼ pa ri nabʼe sábado re ri ikʼ

Pa ri ikʼ mayo rech 2011 xmajtaj lo ubʼixik chike ri publicadores rech kkimaj kitijoxik ri winaq pa ri nabʼe sábado rech ri ikʼ. Pa ri kʼutunem “Preguntas sobre la Biblia” rech La Atalaya chike konojel winaq kubʼano che kʼax ta kqabʼan che ubʼanik wajun chak riʼ. Rumal laʼ, rajawaxik kyaʼ ubʼixik jas kbʼan che ukojik ri kʼutunem rech kqamaj kitijoxik ri winaq chirij ri Loqʼalaj Pixabʼ xuqujeʼ kyaʼ jun kʼutbʼal pa ri riqbʼal ibʼ rech ubʼixik ri utzalaj taq tzij pa ri nabʼe sábado rech ri ikʼ.

Are ri e ajkʼamal bʼe kechowik we ri nabʼe sábado rech ri ikʼ kkimulij kibʼ konojel ri e jupuq rech kkiya ubʼixik ri utzalaj taq tzij —weneʼ pa ri Ja rech Ajawbʼal— o pa kijujunal ri jupuq. Pa neʼ, e kʼi ri congregaciones kkikoj ri Ja rech Ajawbʼal, kʼot nijun yaʼtal che kukʼex ri qʼij rech kqamaj kitijoxik ri winaq chirij ri Loqʼalaj Pixabʼ xa rumal che kkaj che konojel ri e jupuq kkimulij kibʼ pa ri Ja rech Ajawbʼal.