Ri kqabʼano rech kqakʼiyisaj pa qanimaʼ che chanim kqaya ubʼixik ri utzalaj taq tzij

Rech kojkʼaseʼ kan pa taq ri kʼisbʼal taq qʼij are rajawaxik che qas kqachʼobʼo che chanim kqilij ri qakojonik, rumal laʼ rajawaxik che kkʼiy pa qanimaʼ che kqaj kqabʼano. Chiʼ kqabʼan pa ri qakʼaslemal ri pixabʼ riʼ, kojkunik kqanimarisaj.

• Amaqʼel chabʼanaʼ chʼawem pa uwiʼ ri Ajawbʼal (Mat. 6:10).

• Rech kachajij ri awanimaʼ ronojel taq qʼij chasikʼij uwach ri Biblia (Heb. 3:12).

• Utz chabʼanaʼ che ukojik ri tiempo (Efes. 5:15, 16; Filip. 1:10).

• Chatchoman chrij ri jastaq che kʼo ubʼanik rukʼ ri akojonik; are ta katchoman chrij ri jastaq rech wajun uwach Ulew riʼ (Mat. 6:22, 25; 2 Tim. 4:10).

• Chatkʼaskʼatoq, qas chawilaʼ ri kbʼan che ubʼanik ri bʼim kan pa ri Biblia (Mar. 13:35-37).

We qetaʼmam che rajawaxik chanim kqaya ubʼixik ri utzalaj taq tzij kubʼano che kqakoj qachuqʼabʼ che ubʼanik ri chak che rajawaxik kbʼan na (Juan 4:34, 35).