¿La kukʼam qabʼe ri Utzij ri Dios ronojel taq qʼij?

Usikʼixik uwach ri Biblia ronojel qʼij, kojutoʼ rech kkʼojiʼ jun ko qakojonik xuqujeʼ man ksilabʼ taj (Col. 2:6, 7). Are kʼu we kqaj che kchakun ri Utzij ri Jehová pa ri qakʼaslemal, rajawaxik che kqachomaj ri kubʼij chqe xuqujeʼ kqakoj pa ri qakʼaslemal (Heb. 4:12; Sant. 1:22-25). Rech kojkun che ubʼanik, Josué 1:8 kubʼij oxibʼ jastaq che kojutoʼ: 1) chasikʼij uwach ri Biblia «chi pa qʼij chi chaqʼabʼ»; 2) «chachomaj» ri kubʼij are chiʼ tajin kasikʼij uwach; 3) chakojoʼ achuqʼabʼ che ubʼanik ronojel «ri tzʼibʼatal» pa ri Biblia. We kqabʼan ri oxibʼ jastaq riʼ, utz riʼ ri kqabʼano xuqujeʼ kojchakun rukʼ nojibʼal qʼij chi qʼij.