«Man kkʼistaj ta kʼu qakʼuʼx»

4:16-18

Chojchoman chrij e kebʼ familias che e kʼo pa jun nimalaj ja che qʼeʼl chik. Jun chke sibʼalaj kbʼisonik, are kʼu ri jun chik sibʼalaj kkikotik. ¿Jasche? Rumal che pa jubʼiqʼ tiempo keqʼax pa jun chi ja che kʼakʼ xuqujeʼ sibʼalaj jeʼlik.

Pa neʼ «qetaʼm kʼut chi konojel ri jastaq ri e bʼanom rumal ri Dios, junam kechʼiqowik, e kʼo pa qʼoxowem kʼa kimik», ri tajin kqapatanij ri Dios kʼo jun qeyebʼal che kojutoʼ rech kqachʼij ri e kʼax (Ro 8:22). Qetaʼm che ri e kʼax che tajin kqariq kimik, xuqujeʼ ri e kʼax che qachʼijom kʼi taq junabʼ, man e al taj xuqujeʼ xaq keʼokʼowik are chiʼ kqajunamaj rukʼ ri e tewchibʼal che kʼo ta ukʼisik pa ri kʼakʼ uwach Ulew. Chiʼ kojchoman chrij ri e tewchibʼal re ri Ajawbʼal pa ri petinaq kojutoʼ rech kojkikotik xuqujeʼ kkʼistaj ta qakʼuʼx.