¿La kbʼix chke ri testigos rech Jehová, jas películas, bʼixonem o wuj che kekunik kkilo?

Kbʼix taj. Ri qakojonem kubʼij ta chqe jas películas, bʼixonem o libros utz taj kqilo. ¿Jasche?

Ri Biblia kubʼij che qonojel rajawaxik kqachʼobʼo «jas ri utz xuqujeʼ jas ri man utz taj» (Hebreos 5:14).

Pa ri uTzij ri Dios kqariq utz taq pixabʼ che kojutoʼ che uchaʼik jas bʼixonem, películas o etzʼanem kqabʼano.a Amaqʼel kqaj kqanimaj pa ri qakʼaslemal ri kyaʼ ubʼixik pa Efesios 5:10, che kubʼij: «Chiwetaʼmaj bʼaʼ jachike jastaq ri keqaj chuwach ri Ajawaxel».

Ri Dios uyaʼom taqanik pa kiqʼabʼ ri kʼamal taq bʼe re ri familia rech kkilo jas jastaq utz kbʼan pa ri kachoch y jas jastaq utz taj kbʼanik (1 Corintios 11:3; Efesios 6:1-4). Are kʼu pa ri congregación, kʼo ta jun kuya taqanik chilaʼ chrij ri películas che kilik, ri bʼixonem che ktaʼik o jun winaq che nim kilik (Gálatas 6:5).