Ri täq urachiʼl ri Ajawaxel kkebʼan ta ri itzelal

Ri Satanás kojusikʼij che ubʼanik ri itzelal. We kqaj kqabʼan urachiʼl ri Ajawaxel, rajawaxik kqaxutuj ri itzel kril ri Jehová (Salmo 97:10). Arewaʼ jujun täq jastaq che täq urachiʼl ri Ajawaxel rajawaxik kkebʼan täj:

Tzʼil täq mak. «Mat qaj pa mak rukʼ jun winaq chik [adulterio].» (Éxodo 20:14.) Xuqujeʼ utz täj ri tzʼil täq mak nabʼe chuwäch ri kʼulunem (1 Corintios 6:18).

Qʼabʼaranik. «Ri keqʼabʼarik [. . .] kkechbʼej ta na ri rajawbʼäl ri Dios» (1 Corintios 6:10).

Kamisanik xuqujeʼ bʼanoj tzaqän alanik (aborto). «Mat kamisanik.» (Éxodo 20:13.)

Elaqʼ. «Mat elaqʼanik.» (Éxodo 20:15.)

Molon täq tzij. Ri Jehová, itzel kril ri «aqʼaj ri bʼanol tzij» (Proverbios 6:17).

Chʼoj rukʼ oyowal kʼot utakʼbʼaxik. Ri Jehová kuretzlaj kiwäch ri bʼanol täq itzelal (Salmo 11:5). Chupam ki rayinik ri winaq ajmak e kʼo ri «kpe koyowal» (Gálatas 5:19, 20).

Etzʼanem rukʼ pwäq. «Rajawaxik kitas iwibʼ chirij ri jun, [. . .] kurayij ri jastaq kech nikʼaj winaq chik.» (1 Corintios 5:11.)

Xutunem che kixoʼl täq tinamit. «Chiloqʼoqʼej ri kebʼanom kikʼulel chiwe, chibʼana chʼawem rukʼ Dios pa kiwiʼ ri kkebʼan kʼäx chiwe.» (Mateo 5:43, 44.)

Ronojel jas täq kubʼij ri Ajawaxel chaqe, kubʼij rech utz qawäch. kʼäx ta ubʼanik ri itzelal, tekʼuriʼ rukʼ uchuqʼabʼ ri Jehová xuqujeʼ Uqʼalajsinelibʼ, katkunik kawesaj pa ri akʼaslemal ri jas täq che itzel kril ri Ajawaxel (Isaías 48:17; Filipenses 4:13; Hebreos 10:24, 25).