¿Jachin xniman che Ajawaxel nabʼe chuwach ri Nimalaj Jabʼ xuqujeʼ jachin xeniman täj?

Pa täq uqʼij ri Noé, sibʼalaj kʼi chike ri winaq xkibʼan ri itzelal (Génesis 6:5)

Adán xuqujeʼ ri Eva xkʼejeʼ kalkʼwal, rumal wariʼ xkibʼan kʼi ri winaq cho ruwach Ulew. E kʼo nikʼaj ángeles xkinimaj ri Satanás.

Xeqaj lo cho ruwach Ulew xkibʼan winaq che kibʼ rech xekʼuliʼ kukʼ ri ixoqibʼ. Wa täq ixoqibʼ xkʼejeʼ kal che jun wi kibʼantajik: nim kichoqʼabʼ xuqujeʼ e itzel.

E kʼi winaq xkimaj ubʼanik ri itzelal. Ri Loqʼalaj Pixabʼ kubʼij che konojel ri winaq ojer e itzel. Ronojel ri kkichomaj xuqujeʼ ri kkibʼano are itzel.

Noé xunimaj ri Ajawaxel xuqujeʼ xubʼan ri nimalaj jukubʼ (Génesis 6:13, 14, 18, 19, 22)

Ri Noé jun utzalaj winaq. Jehová xubʼij che, che kusachisaj kiwach konojel ri itzel täq winaq rukʼ jun nimalaj jabʼ.

Ri Ajawaxel xutaq ri Noé rech kubʼan jun nimalaj jukubʼ, rech keʼukoj ri ufamilia xuqujeʼ e kʼi täq chikop chupam.

Noé xuya ubʼixik chike ri winaq che kpe ri Nimalaj Jabʼ, tekʼuriʼ nijun xuta ri xubʼij. E kʼo nikʼaj xetzeʼn chirij, xuqujeʼ nikʼaj chik itzel xkilo.

Chiʼ xukʼis ubʼanik ri nimalaj jukubʼ, xeʼukoj ri e chikop chupam.