KʼUTUNEM 25

¿Jasche xuya qakʼaslemal ri Dios?

Ri k'o pa ri wuj

Ri Biblia kubʼij che ri winaq «man naj ta kkʼasiʼk e nojinaq kʼu che chʼujirisabʼal» (Job 14:1). ¿La are waʼ ri kʼaslemal che kraj ri Dios chqe? Y, we man are, ¿jas kʼu riʼ ri kʼaslemal che kraj chqe? ¿La qas kqariq na? Chawilaʼ ri respuesta che kuya ri Biblia.

1. ¿Jas ubʼanik ri kʼaslemal che kraj ri Dios chqe?

Ri Jehová are kraj ri utzil chqe. Are chiʼ xeʼubʼan ri nabʼe taq winaq, Adán y Eva, xeʼuya pa jun kotzʼiʼjalaj ulew ubʼiʼ Edén. Y ri Dios «xeʼutewchij [y xubʼij chke]: ‹Chekʼol kʼi iwalkʼwal; chinojisaj ri uwach ulew, chixtaqan puwiʼ›» (Génesis 1:28). Ri Jehová xraj che kekʼojiʼ kalkʼwal y kkibʼan kotzʼiʼj che ronojel ri uwach Ulew xuqujeʼ kekichajij ri awaj. Ri xraj are che ri winaq keyawaj taj y che kekam taj.

Paneʼ je ta xelik,a ri Dios ukʼexom ta ri uchomanik (Isaías 46:10, 11). Kraj che ri winaq che kenimanik kkiriq jun utzalaj kʼaslemal y che kekam taj (chasikʼij Apocalipsis 21:3, 4).

2. ¿Jas kojkunik kqabʼano rech kojkikot pa ri qakʼaslemal kimik?

Xojbʼanik rech kqachʼobʼo chi kajwataj ri Dios chqe, kraj kubʼij che kqetaʼmaj uwach y kqaqʼijilaj (chasikʼij Mateo 5:3-6). Ri Dios kraj che kqaloqʼoqʼej, kqataqej «[r]onojel ri e ubʼe», kqaqʼijilaj y kqapatanij rukʼ ronojel qanimaʼ (Deuteronomio 10:12; Salmo 25:14). We kqabʼan wariʼ, kojkunik kqariq kikotemal paneʼ kqariq kʼax. Uqʼijilaxik ri Jehová kubʼano che kʼo upatan ri qakʼaslemal.

CHANIMARISAJ RI AWETAʼMANIK

Chqilaʼ ri loqʼoqʼebʼal che xukʼut ri Jehová are chiʼ xubʼan ri uwach Ulew y ri kubʼij ri uTzij chrij ri rumal che xyaʼ qakʼaslemal.

Adán y Eva tajin kkil ri jeʼlalaj lugar che kekʼojiʼ wi: jun nimalaj lugar che kotzʼiʼj uwach nojinaq che qʼayes, cheʼ y awaj.

3. Ri Jehová kraj che kqariq jun jeʼlalaj qakʼaslemal

Chiwilaʼ ri VIDEO y chixtzijon chrij wariʼ:

VIDEO: ¿Jasche Dios xubʼan ri uwach Ulew? (uchʼaqapil) (1:41)

¿Jasche xubʼan ri Dios ri jeʼlalaj uwach Ulew?

Chisikʼij Eclesiastés 3:11 y chixtzijon chrij wariʼ:

¿Jas kukʼut wariʼ chqawach chrij ri Jehová?

4. Ri Jehová ukʼexom ta ri uchomanik

Chisikʼij Salmo 37:11, 29 e Isaías 55:11, y chixtzijon chrij wariʼ:

¿Jasche qetaʼm che ri kraj ri Jehová chqe kʼextajinaq taj?

A. Jun ja che qʼeʼl chik. Ri uwiʼ tajin ktzaq loq, e paxinaq chi ri uventanas y nojinaq mes chuchiʼ ri okibʼal. — Jun ja che uriqom kʼax kbʼan usukʼumaxik. Junam rukʼ ri uwach Ulew: ri winaq kibʼanom kʼax che, are kʼu ri Dios kusukʼumaj na y kuya chke ri winaq che keloqʼoqʼen che.

B. Ri ja che bʼanom chi ubʼanik kʼo kotzʼiʼj chuwach y chʼajchʼoj. — Jun ja che uriqom kʼax kbʼan usukʼumaxik. Junam rukʼ ri uwach Ulew: ri winaq kibʼanom kʼax che, are kʼu ri Dios kusukʼumaj na y kuya chke ri winaq che keloqʼoqʼen che.

5. Uyaʼik uqʼij ri Jehová kubʼano che kʼo upatan ri qakʼaslemal

Retaʼmaxik jasche yaʼom qakʼaslemal kuya kikotemal chqe. Chiwilaʼ ri VIDEO y chixtzijon chrij wariʼ:

VIDEO: Xwetaʼmaj ri rumal che xyaʼ qakʼaslemal (5:03)

¿Jas xuriq Terumi are chiʼ xretaʼmaj jasche xyaʼ qakʼaslemal?

Chisikʼij Eclesiastés 12:13 y chixtzijon chrij wariʼ:

Jehová uyaʼom kʼi taq jastaq chqe, ¿jas kqabʼan che ukʼutik maltyoxinik che?

RI KKIBʼIJ JUJUN WINAQ: «¿Jasche oj kʼo waral? ¿Jasche yaʼom qakʼaslemal?».

¿Jas kabʼij riʼ che?

RI XQETAʼMAJ

Jehová kraj che kojyawaj taj y kqariq jun utzalaj kʼaslemal che kʼo ta ukʼisik cho ri uwach Ulew. Xuqujeʼ kimik, kqariq nim kikotemal are chiʼ kqaya uqʼij ri Jehová rukʼ ronojel qanimaʼ.