Chqabʼanaʼ sibʼalaj utz che ri qachak: cheqatoʼ ri ajtijoxelabʼ rech kkitzijoj ri utzij ri Dios

¿Jasche rajawaxik? Ri kʼakʼ taq rajtijoxelabʼ ri Jesús rajawaxik xketaʼmaj unimaxik ronojel ri jastaq che areʼ xukʼut chkiwach, jun chke, are ukʼutik chrij ri qastzij (Mat. 28:19, 20). Kʼi chke ri ajtijoxelabʼ e kʼo pa ri Kʼutunik rech kqetamaj ubʼixik rutzij ri Ajawaxel xuqujeʼ weneʼ kkitzijoj ri utzij ri Dios chke ri kifamilia xuqujeʼ chke ri kachiʼl. Nojimal knimar ri kiloqʼoqʼebʼal che ri kketaʼmaj. Are chiʼ kketaʼmaj che Jehová kraj che konojel winaq rajawaxik kkita ri utzalaj taq tzij, weneʼ kkibʼij che kkaj kkitzijoj ri utzij ri Dios qukʼ, jun chke ri kkʼutuwik che tajin knimar ri ukojonik (Rom. 10:13, 14). Are chiʼ ilom chik che kkunik kutzijoj ri utzij ri Dios rukʼ ri congregación, rajawaxik qas kqatoʼ, rech kuxibʼij ta ribʼ (Luc. 6:40).

Ri kqabʼano:

Chatoʼ ri kʼakʼ publicador rech kukʼam bʼi ri wuj che kajwataj che rech kutzijoj ri utzij ri Dios xuqujeʼ rech kukʼut ri kubʼij ri Biblia. Chakʼutuʼ chuwach ri abʼanom che ri awuj pa ri abolso o amaletín xuqujeʼ chabʼij che jasche keʼakʼam bʼi ri e wuj.
Junam chichaʼ jun che ri tijonem che kʼo pa ri wuj ubʼiʼ Ri Qachak che ri Dios xuqujeʼ chitijoj iwibʼ che. Chikojoʼ jujun che ri kubʼij pa ri wuj Benefíciese, pa uxaq 82 che qas etaʼmatal uwach pa ri territorio. Chatoʼ ri ajtijoxel rech kkunik ktzijonik. Chanaʼtasaj che, che sibʼalaj rajawaxik che utz ri ratzʼyaq kukojo xuqujeʼ che utz kubʼan che ribʼ (2 Cor. 6:3, 4).
Kʼo kʼi jastaq rajawaxik che jun ajtijoxel. Chakʼutuʼ jun chke ri tarjeta rech ri territorio chuwach xuqujeʼ chakʼutuʼ chuwach ri kubʼan che ukojik ri wuj jachiʼ ktzʼibʼax wi ri kibʼiʼ ri winaq. Xuqujeʼ utzʼibʼaxik we xuriq jun winaq che kraj kretaʼmaj más. Chabʼij che ri kubʼano rech kuya ta kan utoʼik ri winaq (1 Cor. 3:6). Chakʼutuʼ chuwach ri kbʼan che ukojik jw.org xuqujeʼ ri wuj Buenas nuevas para gente de todas las naciones.
Chkʼol apaciencia xuqujeʼ chabʼij che, che utz ri tajin kubʼano (Prov. 25:11). Xuqujeʼ chakʼutuʼ chuwach rukʼ ri kabʼano. Ri kʼakʼ publicador ksach ta riʼ che, che xatoʼ rukʼ utzilal xuqujeʼ ri kikotemal kanaʼ che ri utzijoxik ri utzij ri Dios.

Chabʼanaʼ waʼ pa jun ikʼ:

Chawachilaj ri ajtijoxel are chiʼ katzijoj ri utzij ri Dios chuchiʼ taq ja xuqujeʼ are chiʼ kasolij jun winaq o kaya jun etaʼmanik. We kʼo ta jun winaq che tajin katijoj kimik, chabʼij che jun publicador che majaʼ naj kumajij wajun chak riʼ rech katrachilaj bʼik.