Chqakojoʼ qachuqʼabʼ rech más kqetaʼmaj pa ri etaʼmanik che kqabʼan pa qatukel

¿JASCHE NIM UBʼANIK? Ri etaʼmanik re ri Biblia che kqabʼan pa qatukel kojutoʼ rech qas kqachʼobʼ «ri sibʼalaj nim uwach, nim urabʼik, naj uqajbʼem xuqujeʼ naj elinaq chikaj» re ri qastzij (Ef 3:18). Kojutoʼ rech kojqaj ta pa mak, kojux chʼajchʼoj pa wajun itzelalaj uwach Ulew riʼ xuqujeʼ kqaya ta kan «uqʼalajisaxik ri tzij re kʼaslemal chkiwach» (Flp 2:15, 16). Are chiʼ kqatijoj qibʼ kojkunik kqachaʼ unikʼoxik ri jastaq che kajwataj chqe. ¿Jas rajawaxik kqabʼano rech qas utz kqabʼan che ukojik ri tiempo che usikʼixik xuqujeʼ unikʼoxik uwach ri Biblia?

¿JAS KQABʼAN CHE UBʼANIK?

• Ujuchʼik jun versículo xuqujeʼ utzʼibʼaxik jupaj taq tzij pa ri Biblia che kqakojo chiʼ kqabʼan ri etaʼmanik pa qatukel, weneʼ cho wuj o pa formato electrónico.

• Utzalixik uwach pa qajolom ri e preguntas «jachinoq», «jas», «jachiʼ», «jampaʼ», xuqujeʼ «jasche» are chiʼ tajin kqasikʼij uwach.

• Umulixik ronojel ri kqaj kqetaʼmaj. Kojkunik kqatzukuj pa ri e chakubʼal che e kʼolik rech kqetaʼmaj chrij jun kʼutunem o jun versículo.

• Uchomaxik rij ri kqasikʼij uwach rech kqil ri utzilal che kuya chqe pa ri qakʼaslemal.

• Ukojik pa qakʼaslemal ronojel ri kqetaʼmaj pa ri Biblia (Lu 6:47, 48).

ARE CHIʼ AWILOM CHI RI VIDEO RI ETAʼMANIK CHE KQABʼAN PA QATUKEL KOJUTOʼ RECH MÁS NIM KQIL RI UTZIJ RI DIOS, CHATZALIJ UWACH RI E PREGUNTAS RIʼ:

• ¿Jas kkichomaj e jujun qachalal chrij ri etaʼmanik che kqabʼan pa qatukel?

• ¿Jasche rajawaxik kqabʼan qachʼawem are chiʼ majaʼ kqamaj ri etaʼmanik?

• ¿Jas kojutoʼ rech qas kqachʼobʼ jun bʼantajik re ri Biblia?

• ¿Jas taq etal kojkunik kqakoj pa ri Biblia che kqakoj che ri etaʼmanik?

• Are chiʼ kqanikʼoj uwach ri Biblia, ¿jasche sibʼalaj nim ubʼanik che kojchoman chrij?

• ¿Jas rajawaxik kqabʼan rukʼ ri kqetaʼmaj?