Kkʼis na ronojel ri kʼax che kqariqo

Are chiʼ kqilo che naj tiempo kqariq kʼax aninaq kubʼan kebʼ qakʼuʼx. Ri David retaʼm che ri kʼax tajin kbʼan che rumal ri Saúl kkʼis na. Y are chiʼ kqʼax ri tiempo kux qʼatal tzij junam rukʼ ri ubʼim kan ri Jehová (1Sa 16:13). Rumal che ri David retaʼm che ktoʼ na rumal ri Jehová, xkʼojiʼ upaciencia.

Are chiʼ kqariq kʼax, kojkunik qas kqil na ri kqabʼano, kqakoj ri qetaʼmam pa ri Biblia y qas kqachomaj na ri kqachaʼ ubʼanik rech ksukʼumataj ri jastaq (1Sa 21:12-14; Pr 1:4). Are kʼu kʼo jujun kʼax aninaq ta ksach uwach paneʼ qakojom qachuqʼabʼ che resaxik y qabʼanom ri pixabʼ re ri Biblia. We je riʼ, rajawaxik kkʼojiʼ qapaciencia rech kqeyeʼj na che are ri Jehová kojtoʼwik. Xa jubʼiqʼ chi kraj, ri areʼ kresaj bʼi ronojel uwach kʼaxkʼolil y «kusuʼ na ronojel ri uwaʼl» qawach (Ap 21:4). Weneʼ ksach uwach ri kʼaxkʼolil kqariqo rumal che qas are ri Jehová kelesanik o rumal nikʼaj chi jastaq, are kʼu ri qas qetaʼm are che ri kʼax kqariqo kopan na ri qʼij che kekʼisik. Wariʼ kuya kubʼsal qakʼuʼx.

ARE CHIʼ AWILOM CHI RI VIDEO JUN TINAMIT CHE KʼO UTZILAL CHKIXOʼL, CHATZALIJ KIWACH RI PREGUNTAS RIʼ:

• ¿Jas kʼax xkiriq ri e qachalal pa ri sur re Estados Unidos?

• ¿Jas xkibʼan che ukʼutik paciencia y loqʼoqʼebʼal?

• ¿Jas ri más nim ubʼanik chkiwach ri e qachalal? (Flp 1:10).