¿Jas kqabʼan che uriqik utz taq pixabʼ che kojutoʼ pa ri qakʼaslemal?

Rech kqariq utz taq pixabʼ are chiʼ kqasikʼij ri Biblia rajawaxik kqabʼan más investigar ri kqasikʼij. Are kʼu ¿jas kqabʼano rech kuya tobʼanik chqe ri kqabʼan investigar?

Chojchoman chrij ri xkʼulmatajik. Jun kʼutbʼal, ¿jachin xtzʼibʼan ri tajin kqasikʼij, jampaʼ xutzʼibʼaj y jachin chke xutzʼibʼaj wi? ¿Jas tajin kkʼulmataj pa ri tiempo riʼ are chiʼ xtzʼibʼaxik? ¿Jas xkʼulmatajik are chiʼ majaʼ ktzʼibʼaxik y are chiʼ xkʼis utzʼibʼaxik?

Chojchoman chrij ri kukʼut chqawach. Chqatzukuj ri kirepuestas ri preguntas junam rukʼ wariʼ: «¿Jas xkinaʼ riʼ ri winaq are chiʼ xkikʼulmaj ri tajin kqasikʼij? ¿Jas utz taq bʼantajik xkikʼutu y jasche kwaj kinwesaj kiwach? ¿Jas xesach wi y jasche rajawaxik kinxutuj?».

Chqabʼanaʼ pa qakʼaslemal ri kqetaʼmaj. Jun kʼutbʼal, are chiʼ kqatzijoj ri utzij ri Dios o are chiʼ kojtzijon kukʼ ri winaq. Ubʼanik wariʼ kukʼutu che tajin kqabʼan ri kubʼij Salmo 107:43: «Jachin ri kʼo unoʼj, chukojoʼ retal waʼ».

• Chabʼanaʼ wariʼ: Chawilaʼ che ri sección «Qʼinomal re ri utzij ri Dios» re ri riqbʼal ibʼ che kbʼan xoʼl taq qʼij, kojutoʼ che ubʼanik pa ri qakʼaslemal ri kqetaʼmaj. Ronojel taq semanas, wajun sección riʼ rukʼam lo preguntas che kojkunik kojchoman chrij y wachbʼal che kojkunik kqanikʼoj.